Codi Posteri ar y Slei

Beth yw tipio slei?

Y diffiniad o dipio slei yw gadael gwastraff yn anghyfreithlon ar unrhyw dir neu briffordd (gyda neu heb ganiatâd perchennog y tir). Gall amrywio o ran maint o un llond sach bin o wastraff i ddympio gwastraff adeiladu a dymchwel ar raddfa fawr.

Atal Tipio Slei

Mae tipio slei yn groes i Adran 33 Deddf Gwarchod yr Amgylchedd 1990, a gall effeithio ar ansawdd amgylcheddol ardal a denu ac annog troseddau amgylcheddol eraill.

Mae Deddf Cymdogaethau Glân 2005 wedi cynyddu gosb uchaf am droseddu i £50,000 a / neu 12 mis o garchar. Gall rhai sy'n tipio ar y slei hefyd gael dirwy benodol o £300.

Mae Deddf Cymdogaethau Glân 2005 hefyd yn rhoi grym i'r Awdurdod i orchymyn fod perchnogion tir yn gwaredu gwastraff a dipiwyd ar y slei oddi ar y tir, neu gall fynd ar y tir i gael gwared o'r gwastraff ei hun ac adfer y costau wedi hynny. 

Am ragor o fanylion

Ewch i wefan Taclo Tipio Cymru http://www.flytippingactionwales.org/cy/ sy'n rhoi cyngor i fusnesau, deiliaid tai a pherchnogion tir.

Mae Taclo Tipio Cymru yn fenter drwy bartneriaeth sy'n cael ei noddi gan Lywodraeth Cynulliad Cymru a'i chydlynu gan Asiantaeth yr Amgylchedd Cymru.

Rwyf am roi gwybodaeth am dipio ar y slei