A | B | C | D | E | F | Ff | G | H | I | L | Ll | M | N | O | P | R | Rh | S | T | W | Y
Eitem Newyddion Archif
Cydnabod gwasanaeth hir Colin
Steve Holdaway (ar y dde) yn cyflwyno tystysgrif am ei wasanaeth hir i Colin Morris. Yn y llun hefyd mae Brent Campbell.
Mae dyn o Raeadr Gwy a roddodd dros ddeugain mlynedd o wasanaeth cyhoeddus wedi cael ei gydnabod yn swyddogol gan Gyngor Sir Powys.
Ymddeolodd y Gweithiwr Gwastraff, Colin Morris, ym mis Mai ar ôl 42 mlynedd o wasanaeth cyhoeddus yn gweithio i'r cyngor sir a'r cyn gynghorau dosbarth. Roedd Colin yn gweithio o ddepo'r cyngor yn Rhaeadr.
I gydnabod ei wasanaeth hir, cafodd Colin ei wahodd i fynychu cyflwyniad yn Neuadd y Sir yr wythnos hon (dydd Mercher 18 Gorffennaf), lle diolchwyd iddo yn bersonol a lle cyflwynwyd tystysgrif iddo am ei wasanaeth gan Bennaeth y Gwasanaethau Lleol ac Amgylcheddol, Steve Holdaway, a Rheolwr yr Ardal Amgylchedd Leol, Brent Campbell.
"Mae deugain mlynedd yn gamp aruthrol a hoffem ddiolch i Colin am ei gyfraniad i waith y cyngor dros y blynyddoedd. Roedd yn aelod staff poblogaidd iawn a bydd ei gydweithwyr a'r cyhoedd a wasanaethodd yn gweld ei golli'n fawr," meddai Steve Holdaway.
"Rydym i gyd yn dymuno'r gorau i Colin yn ystod ei ymddeoliad."
