Eitem Newyddion Archif

Mae ciosgau'r Mannau Gwybodaeth i'r Cyhoedd yn darparu mynediad am ddim i'r rhyngrwyd ac erbyn hyn yn cynnig galwadau yn rhad ac am ddim i wasanaethau detholedig. Mae'r chwe chiosg gyda sgriniau cyffwrdd, a leolir ar draws y sir, yn darparu gwybodaeth am wasanaethau lleol a chenedlaethol, gweithgareddau a chefnogaeth.

Mae'r sgrin gyffwrdd yn caniatáu i'r cyhoedd fwrw golwg dros 800 o wefannau a chael gwybodaeth am bynciau fel gofal plant, hyfforddiant lleol a chynghori. Gall defnyddwyr chwilio am symbol y ffôn ar y sgrin i wneud galwadau ffôn am ddim i sefydliadau dethol a gallant hefyd e-bostio gwybodaeth atyn nhw eu hunain neu at ffrindiau neu wybodaeth y gallant gyfeirio ati yn ddiweddarach.

Meddai Gloria Jones-Powell, Cyd-Gadeirydd Partneriaeth Plant a Phobl Ifanc Powys: "Lleolir y Mannau Gwybodaeth i'r Cyhoedd mewn lleoliadau ar draws y sir i helpu preswylwyr i ddod o hyd i'r wybodaeth a'r cymorth y mae arnynt ei angen. Bydd y nodweddion newydd, gan gynnwys y cyfleuster i ffonio am ddim, yn helpu i roi pobl mewn cysylltiad â sefydliadau allweddol fel eu bod yn teimlo'n fwy gwybodus."

Lleolir Mannau Gwybodaeth i'r Cyhoedd yn y llefydd canlynol:

Canolfan Hamdden Aberhonddu Llandrindod, Ysgol Gynradd Trefonnen Machynlleth, Canolfan Hamdden Bro Ddyfi Y Drenewydd, Canolfan Hamdden Maldwyn Y Trallwng, Canolfan Hamdden Y Flash Llyfrgell Ystradgynlais

Mae Mannau Gwybodaeth i'r Cyhoedd (PIPs) yn cael eu cynnal gan Wasanaeth Gwybodaeth i Deuluoedd Powys a gellir edrych ar y wybodaeth a geir yn y MGC (PIPs) ar-lein drwy gyfrwng y tab Cysylltiadau Defnyddiol yn www.powys.gov.uk /fis.

Cymerwch ran mewn arolwg ynghylch y Mannau Gwybodaeth i'r Cyhoedd (PIPs) ac fe gewch gyfle i ennill tymor o docyn nofio i'r teulu. Ewch i weld eich ciosg MGC (PIP) lleol neu ewch i lenwi'r arolwg ar y tab Cysylltiadau Defnyddiol yn www.powys.gov.uk / fis. Daw'r arolwg i ben ar 29 Mehefin, 2012