Bwyd (Safonau a Chyfansoddiad)

Adwerthu a labelu wyau

Mae'r daflen hon yn ymwneud ag adwerthu wyau ieir, a brynir mewn blychau keyes neu wedi'u rhagbecynnu. Ar gyfer y gwerthiant o wyau gan y cynhyrchydd yn uniongyrchol i'r defnyddiwr, e.e. o gât y fferm, edrychwch ar ein taflen 'Canllaw ar werthu wyau'n uniongyrchol i ddefnyddwyr'.

Marciau wedi'u stampio ar wyau:

Rhaid stampio'r holl wyau a werthir ar lefel adwerthu gyda chod yn disgrifio'r dull ffermio a ddefnyddiwyd, gwlad y tarddiad a chod unigol y safle cynhyrchu.

Dylai'r hysbysiad hwn nodi ystyr y llythrennau a'r rhifau a stampiwyd ar yr wyau. Er enghraifft, byddai 3UK12345 yn cyfeirio i'r wybodaeth ofynnol fel a ganlyn:

3 - Dull ffermio:

• 0 - Organig
• 1 - Maes
• 2 - Sgubor
• 3 - Ieir mewn cawell

UK - Gwlad y tarddiad

12345 - Cod y safle cynhyrchu, a ddarparwyd i'r paciwr ar ôl cofrestru gyda'r Arolygaeth Marchnata Wyau

Labeli i gyd-fynd ag wyau ar lefel adwerthu:

Rhaid cynnwys y wybodaeth ganlynol gydag wyau wedi'u pecynnu ac wyau rhydd wedi'u graddio a werthir o flychau:

• cod yr orsaf bacio*
• gradd ansawdd (Gradd A ar gyfer adwerthu)
• gradd pwysau
• y dull ffermio gyda chod rhif: sef 0 'organig', 1 'maes', 2 'sgubor', 3 'ieir mewn cawell' - gellir ychwanegu'r marciau hyn i rif neu god y cynhyrchydd - gellir esbonio'r wybodaeth yma, gan gynnwys cod adnabod y cynhyrchydd, ar hysbysiad gwahanol er eglurhad
• dyddiad ar ei orau cyn (uchafswm o 28 diwrnod o'r dyddiad dodwy)
• cyfarwyddiadau addas am storio, megis 'Cadwch mewn oergell ar ôl prynu'
• esboniad o'r cod a stampiwyd ar yr wyau (gweler y tabl uchod)
• enw'r cynnyrch 'wyau' a nifer yr wyau oni bai y gellir gweld hyn yn amlwg o du allan i'r pecyn*
• enw a chyfeiriad y sawl sy'n pecynnu neu'n gwerthu*

* Nid yw'r datganiadau hyn yn ofynnol ar gyfer wyau a werthir yn rhydd.

Gellir ond pecynnu wyau mewn bocsys gan orsaf becynnu gofrestredig. Gellir darparu bocsys heb eu marcio er hwylustod i gwsmeriaid ar gyfer gwerthu wyau rhydd.

Dylai wyau wedi pacio mewn blychau cymysg (ac eithrio wyau mawr iawn), ble mae pecynnau'n cynnwys wyau o wahanol feintiau, hefyd ddangos:

• dynodiad o'r gwahanol feintiau yn y blwch NEU ddatganiad yn dweud 'wyau o wahanol feintiau'
• cyfanswm pwysau net yr wyau yn y pecyn hwnnw

Pob math o wyau wedi pacio

Gellir hefyd labelu'r pecyn gyda'r wybodaeth ganlynol:

• y pris gwerthu
• y dyddiad pacio a/neu ddodwy
• os ni fod y wybodaeth yn gamarweiniol, enw masnachwr, hysbysebion neu ddatganiadau gyda'r bwriad o wella gwerthiant yr wyau
• gwybodaeth ar darddiad yw wyau
• gwybodaeth ar gafodd yr ieir eu bwydo

Ar gyfer pob blwch o wyau:

Dyddiad gwerthu erbyn

Does dim gofyniad cyfreithiol i gael dyddiad gwerthu erbyn ar wyau, ond mae yna ddyletswydd gyfreithiol i sicrhau bod wyau'n cael eu gwerthu o fewn 21 diwrnod o'u dodwy, sy'n golygu, yn ymarferol, bod rhaid eu gwerthu o leiaf saith diwrnod cyn y dyddiad ar ei orau cyn. Felly efallai bydd dyddiad gwerthu erbyn yn eich helpu i wneud hyn.

Dull ffermio a Thermau Marchnata Arbennig (SMTs)

Gellir nodi'r dull ffermio, yn ymwneud â'r cod a stampiwyd, gan ddefnyddio'r geiriad isod, ble mae hyn yn berthnasol. Mae'r disgrifiadau hyn hefyd yn berthnasol os ydych yn dymuno disgrifio'ch wyau'n wirfoddol pan rydych chi'n eu gwerthu o'ch safle neu o ddrws i ddrws.

• wyau maes
• wyau sgubor
• wyau ac adar mewn cewyll

Os ni chynhyrchwyd yr wyau yn unol â'r dulliau amlinellwyd ar gyfer wyau maes neu wyau sgubor, cânt eu dosbarthu'n awtomatig fel wyau o ieir mewn cewyll.

Wyau maes

Rhaid cynhyrchu wyau a ddisgrifir fel 'wyau maes' mewn sefydliadau dofednod ble mae gan yr ieir:

• mynediad parhaus yn ystod y diwrnod i libart awyr agored
• defnydd o dir wedi gorchuddio gan fwyaf gyda llystyfiant
• o leiaf pedwar metr sgwâr o dir ar gael i bob aderyn

Yn ogystal â hyn, mae yna ofynion yn ymwneud â chartref a ffitiadau'r ieir.

Wyau sgubor

Rhaid cynhyrchu wyau sgubor mewn sefydliad dofednod:

• ble mae o leiaf 15cm o le clwydo ar gyfer pob iâr
• ble mae arwynebedd llawr yn darparu o leiaf un metr sgwâr ar gyfer pob naw iâr
• sy'n cydymffurfio â'r gofynion yn ymwneud â chartref a ffitiadau yr ieir

Os ydych chi angen rhagor o wybodaeth am y disgrifiadau eraill o ddulliau ffermio, neu am ofynion cartrefu ieir, gofynnir ichi gysylltu â'r Arolygaeth Marchnata Wyau.

Storio:

• dylid cadw wyau wedi'u hoeri, a'u diogelu rhag newidiadau i dymheredd ac i dymereddau eithafol - mae rhwng 5oC a 17oC yn addas
• dylech eu cadw allan o olau haul uniongyrchol ac i ffwrdd o unrhyw gynnyrch eraill gallai eu blasu, megis winwns a phowdr golchi
• rhaid i chi gylchdroi stoc i sicrhau ei fod yn aros o fewn y pwysau a gradd ansawdd a nodir
• ni ddylid gwerthu wyau sy'n amlwg wedi cracio

Graddau pwysau wyau:

Y graddau pwysau canlynol yn unig a ganiateir ar gyfer wyau; ni ellir defnyddio unrhyw dermau eraill i ddisgrifio pwysau wyau sy'n cael eu hadwerthu:

• XL neu mawr iawn yw wyau o 73g i fyny
• L neu mawr yw wyau o 63g - 73g
• M neu ganolig yw wyau o 53g - 63g
• S neu bach yw wyau yn llai na 53g

Yr Arolygiaeth Marchnata Wyau:
Mae'r Adran hon yn dod o dan oruchwyliaeth Iechyd Anifeiliaid (y Gwasanaeth Milfeddygol Gwladol yn flaenorol), asiantaeth weithredol ar ran Defra ac mae'n gweithredu trwy arolygiaethau marchnata wyau rhanbarthol. Gellir cael mwy o wybodaeth yn ymwneud â'r ddeddfwriaeth uchod, ynghyd â chyngor ar gofrestru fel paciwr ar wefan Defra Iechyd Anifeiliaid.

Sylwer:

Nid yw'r daflen hon yn ddehongliad awdurdodol o'r gyfraith a'i fwriad yw cyfarwyddo yn unig. Am fwy o wybodaeth gofynnir ichi gysylltu â ni.

Adolygiad/diweddariad diwethaf: Gorffennaf 2011

© 2013 itsa Ltd on behalf of the Trading Standards Institute.

Yn ôl i'r Rhestr o Hysbysebion