Cofrestr Plant sydd ag Anableddau

Mae'r gofrestr yn cynnwys gwybodaeth gyfrinachol am blant ym Mhowys sydd ag anableddau. Gall rieni ddewis os ydynt am i'w plant gael eu cynnwys ar y gofrestr, a bydd y wybodaeth ar y gofrestr yn helpu i sicrhau'r gofal a'r cyngor sy'n gweddu orau i'r plentyn. Hefyd, bydd hyn yn helpu tuag at gynllunio cyfleusterau a gwasanaethau i blant sydd ag anghenion arbennig yn y dyfodol.

 

Cyflwyniad

Yn ôl Deddf Plant 1989, mae'n rhaid i awdurdodau lleol gadw cofrestr o blant anabl yn eu hardal.  Mae'n gofrestr yn cynnwys plant a phobl ifanc ym Mhowys o'u genedigaeth tan eu bod yn 21 mlwydd oed.  Bydd y wybodaeth ar y gofrestr yn ein helpu ni i gynnig gwell gwasanaeth yn y dyfodol a byddwn yn gallu anfon gwybodaeth atoch am bynciau sy'n berthnasol i chi ac i anghenion eich plentyn.

Manteision Cofrestru

• Bydd rhieni/cynhalwyr yn gallu cyfrannu at ddatblygu gwasanaethau i blant gydag anableddau.
• Bydd yr asiantaethau sy'n gysylltiedig â darparu gwasanaethau yn cael gwell dealltwriaeth am ba wasanaethau sydd eu hangen ar hyn o bryd a pha wasanaethau fydd eu hangen yn y dyfodol.
• Bydd rhieni/cynhalwyr yn derbyn cylchlythyr rheolaidd a luniwyd gan y Cydlynydd, fel eu bod yn cael gwybod am faterion lleol/cenedlaethol.
• Bydd y Gofrestr yn help i ddynodi anghenion plant ac yn cynorthwyo wrth gynllunio gwasanaethau yn y dyfodol.
• Mynediad i wybodaeth a chysylltu â Rhieni/Cynhalwyr eraill.

Os hoffech i ni gynnwys enw eich plentyn, cysylltwch â'r tîm perthnasol isod:

Cyfeiriadau Timau Plant sydd ag Anableddau

Tîm Plant sydd ag Anableddau (Gogledd)
Y Parc, Y Drenewydd, Powys, SY16 2PL
Ffôn: (01686)  617520

Tîm Plant sydd ag Anableddau (De)
Neuadd Brycheiniog, Ffordd Cambrian,
Aberhonddu, Powys, LD3 7HR
Ffôn: (01874) 624298
Ffacs: 01874 615973