A | B | C | D | E | F | Ff | G | H | I | L | Ll | M | N | O | P | R | Rh | S | T | W | Y
Plant sydd ag Anableddau
Amcanion y Tîm Plant sydd ag Anableddau yw:
- sicrhau fod plant sydd ag anableddau sy'n byw ym Mhowys yn derbyn gwasanaeth o safon sy'n rhoi'r defnyddiwr gyntaf, ac yn ymateb i anghenion sy'n newid.
- galluogi pobl ifanc i gwrdd â'u potensial ym mhob agwedd o'u bywydau.
Mae athroniaeth y Tîm yn seiliedig ar y gred fod pob plentyn unigol yn unigryw, ac mae angen iddynt gael y cyfle i'w galluogi i ddatblygu'n gorfforol, yn emosiynol, yn ddeallusol, yn gymdeithasol ac yn ymddygiadol.
Mae aelodau'r tîm yn gweithio mewn partneriaeth â chydweithwyr yn y sectorau statudol, gwirfoddol ac annibynnol lleol, yn enwedig ym meysydd iechyd, addysg, tai, budd-daliadau a hamdden.
Mae'r Tîm yn ceisio hysbysu Plant sydd ag Anableddau a'u teuluoedd o bob gwasanaeth neu fudiad all fod o ddiddordeb iddynt, trwy lyfrgell wybodaeth y bydd y tîm yn ei chasglu.
Beth y mae 'Anabledd' yn ei olygu?
- Plant sy'n ddall neu sydd â nam ar eu golwg
- Plant sydd â nam ar eu clyw
- Plant sydd ag anabledd dysgu canolig/difrifol
- Plant sydd â salwch cronig sy'n cael effaith negyddol sylweddol ar eu bywyd bob dydd
- Plant sydd ag anabledd corfforol parhaol neu dymor hir
- Plant sydd ag Awtistiaeth
Seibiannau Byr Powys
Mae'r 'Rheoliadau Seibiannau i Ofalwyr Plant sydd ag Anableddau 2012' yn gofyn bod Awdurdodau Lleol yn paratoi datganiad i ofalwyr sy'n egluro:
- Yr ystod o wasanaethau sy'n cael eu darparu
- Y meini prawf a ddefnyddir i weld os yw rhywun yn gymwys i dderbyn y gwasanaethau hynny
- Sut mae'r gwasanaethau yn cael eu dylunio i ddiwallu anghenion gofalwyr
Mae'r datganiad hwn yn cael ei adolygu ar hyn o bryd a byddwn yn gwerthfawrogi eich adborth ar y datganiad presennol. I wneud hyn anfonwch e-bost at children.youngpeople@powys.gov.uk
|
52 K |
