Maethu a Mabwysiadu

Mae'r Gwasanaeth Maethu a'r Gwasanaeth Mabwysiadu yn gweithredu fel dau dîm ar wahân dros y sir gyfan. Mae'r timau'n gweithio o ganolfannau yn Aberhonddu a'r Drenewydd. Bydd y timau'n darparu ac yn rheoli gwasanaethau ac adnoddau sy'n cael eu dosbarthu'n uniongyrchol gan yr Adran. Er enghraifft, lleoliadau maeth i Blant sy'n Derbyn Gofal, gofal seibiant a mabwysiadu.

Bydd y Tîm Mabwysiadu hefyd yn darparu cwnsela i bobl sy'n chwilio am eu rhieni naturiol.

Mae'r timau'n gyfrifol am recriwtio ac am gefnogaeth barhaus gofalwyr maeth a mabwysiadwyr sy'n gallu diwallu anghenion amrywiol plant a allai fod ag angen gofal maeth dros dro, lleoliadau parhaol neu fabwysiadu.

Diffiniad o Faethu a Mabwysiadu

Ystyr Maethu yw bod plentyn yn dod i'r cartref ar frys, naill ai ar sail tymor byr neu dymor hir, ac mae yna lwfans wythnosol i dalu costau gofalu am blentyn. Mewn sefyllfa faethu, bydd gan yr Awdurdod Lleol neu'r rhiant/rhieni naturiol gyfrifoldeb rhiant dros y plentyn, ac mae'n bosibl y bydd y rhiant/rhieni yn ymwneud â chyswllt parhaol, a gwneud penderfyniadau ar gyfer y plentyn.

Mewn rhai sefyllfaoedd, yn enwedig lle bo gweithgareddau yn mynd ymlaen yn y llys, gellir ystyried cymeradwyo rhai sydd am fabwysiadu plant fel maethwyr ar gyfer plentyn/plant arbennig. Fe all hyn osgoi oedi wrth leoli'r plentyn/plant sydd i gael eu mabwysiadu gyda'r rhai sydd wedi cael eu hadnabod i fabwysiadu'r plant hyn.    

Rhagor o Wybodaeth

Ystyr Mabwysiadu yw bod plentyn yn dod yn aelod parhaol o'ch teulu yn gyfreithiol, a bydd gennych gyfrifoldeb rhiant llawn dros y plentyn. Mewn rhai achosion, efallai y bydd yr Awdurdod Lleol yn talu lwfans ituag at ofalu am y plentyn. Yn y sefyllfa hon, bydd unrhyw lwfans a delir yn cael ei adolygu'n flynyddol.

Rhagor o Wybodaeth

Cysylltu â'r Tîm Maethu

Cysylltu â'r Tîm Mabwysiadu