Tystysgrifau Diogelwch ar gyfer Meysydd Chwaraeon

• Pam fod angen tystysgrif ddiogelwch?
• Pwy all wneud cais?
• Sut i wneud cais
• Pobl sydd â diddordeb
• Beth os na fyddaf yn clywed gan Gyngor Sir Powys o fewn y cyfnod a nodir?
• Ffioedd
• A oes proses apelio?
• Cwynion Defnyddwyr

Pam fod angen tystysgrif ddiogelwch?

Mae'r cyngor yn gyfrifol am gyflwyno tystysgrifau diogelwch i feysydd chwaraeon.  Mae'r dystysgrif hon yn sicrhau diogelwch y gwylwyr.

Mae angen tystysgrifau diogelwch ar gyfer:

• stadia sy'n gallu dal  10,000 neu ragor o wylwyr;
• stadia pêl-droed yr uwch-gynghrair a chynghrair; a
• meysydd gydag eisteddleoedd dan do sy'n gallu dal 500 neu ragor o wylwyr (eisteddleoedd rheoledig) - gweler y ddolen hon.  

Gall tystysgrif ddiogelwch fod naill ai'n:

• dystysgrif ddiogelwch gyffredinol a gyflwynwyd ar gyfer defnyddio meysydd chwaraeon ar gyfer gweithgarwch neu weithgareddau penodol dros gyfnod amhenodol.  
• tystysgrif ddiogelwch arbennig ar gyfer defnyddio maes chwaraeon ar gyfer gweithgarwch neu weithgareddau penodol ar achlysur neu achlysuron penodol.  

Mae'r tystysgrifau diogelwch ar gael gan Gyngor Sir Powys.  

Rhaid i chi gydymffurfio ag unrhyw amodau neu delerau sydd ynghlwm â thystysgrif.

 

Pwy all wneud cais?

I fod yn gymwys am dystysgrif ddiogelwch, rhaid i chi fod mewn sefyllfa i atal yr amodau a'r telerau sydd yn y dystysgrif rhag cael eu torri.

Sut i wneud cais

Defnyddiwch y dolenni ar ochr dde'r dudalen hon i wneud cais neu i gyfnewid gwybodaeth.

Neu, gallwch wneud cais am becyn cais neu ofyn am wybodaeth a chyngor trwy ddefnyddio'r manylion cyswllt ar ochr dde'r dudalen hon

Dylai'r ffurflenni cais gynnwys:

• asesiadau risg;
• cynlluniau wrth gefn;
• polisi diogelwch i wylwyr;
• enw a chymwysterau'r swyddog diogelwch.

Rhaid i ymgeiswyr gyflwyno'r wybodaeth a'r cynlluniau angenrheidiol i Gyngor Sir Powys o fewn yr amser penodedig.  Os bydd yr ymgeisydd yn methu gwneud hyn, ystyrir bod y cais wedi cael ei dynnu nôl.

Bydd awdurdod lleol yn ystyried os yw'r ymgeisydd mewn sefyllfa i atal torri amodau a thelerau tystysgrif.

Os oes cais yn cael ei wneud i drosglwyddo tystysgrif, rhaid i Gyngor Sir Powys benderfynu os fyddai'r person sydd i gael y dystysgrif, pe byddai wedi gwneud cais ei hun, yn gymwys am dystysgrif.  Gall yr ymgeisydd fod yn un sydd â'r dystysgrif ar hyn o bryd neu'r un fydd yn derbyn y dystysgrif ar ôl ei throsglwyddo.

Rhaid i Gyngor Sir Powys anfon copi o gais am dystysgrif diogelwch (neu gais i drosglwyddo) i brif swyddog heddlu'r ardal, yr awdurdod tân a diogelwch os nad yr awdurdod hwnnw, a'r awdurdod adeiladu os nad yr awdurdod hwnnw yng Nghymru a Lloegr.   Rhaid ymgynghori â phob un o'r cyrff hyn am yr amodau a'r telerau sydd i'w cynnwys mewn tystysgrif neu unrhyw gais i ddiwygio, ailgyflwyno neu drosglwyddo tystysgrif.

Pobl sydd â diddordeb

Gall unrhyw un sy'n gysylltiedig â sicrhau eu bod yn cydymffurfio ag amodau a thelerau'r dystysgrif ddiogelwch apelio i'r llys Ynadon yn erbyn unrhyw amod sy'n gysylltiedig, neu ddileu unrhyw beth o'r dystysgrif ddiogelwch, neu yn erbyn penderfyniad i wrthod diwygio neu ailgyflwyno tystysgrif ddiogelwch.

 

Beth os na fyddaf yn clywed gan Gyngor Sir Powys o fewn y cyfnod a nodir?

Mae er budd y cyhoedd i Gyngor Sir Powys brosesu eich cais cyn iddo gael ei ganiatau. Os nad ydych wedi clywed gan Gyngor Sir Powys o fewn 14 diwrnod calendr o gyflwyno eich cais, cysylltwch â ni. Gallwch wneud hyn gan ddefnyddio’r manylion cyswllt ar ochr dde'r dudalen.

Os ydych wedi gwneud cais trwy wasanaeth UK Welcomes, gallwch hefyd ddefnyddio'r ddolen hon.

Ffioedd

Nid yw Cyngor Sir Powys yn codi tâl am y gwasanaeth hwn.

A oes proses apelio?

Cysylltwch â Chyngor Sir Powys yn y lle cyntaf.

Gall unrhyw un sydd â'i gais am dystysgrif diogelwch yn cael ei wrthod, gan nad ydynt yn cael eu hystyried yn berson cymwys, apelio i'r llys ynadon. 

Gall ymgeisydd sydd â'i gais am dystysgrif diogelwch arbennig yn cael ei wrthod, apelio i Lys yr Ynadon yn erbyn y penderfyniad hwn ar sail arall heblaw'r penderfyniad nad ydynt yn berson cymwys.

Gall deiliad trwydded sydd am apelio yn erbyn amod cysylltiedig, neu ddileu unrhyw beth o'u tystysgrif diogelwch, neu yn erbyn penderfyniad i wrthod diwygio neu ailgyflwyno tystystgrif diogelwch, apelio i'r llys ynadon.

Gall deilydd trwydded hefyd wneud cais i lys y goron yn erbyn penderfyniad llys ynadon.

 

Cwynion Defnyddwyr

Os oes gennych gwyn am fusnes sy’n gweithredu o dan y rheoliadau hyn, cysylltwch â’ch swyddfa leol gan ddefnyddio’r manylion sydd ar ochr dde’r dudalen.

 

Ffurflenni Cais

Bydd y dolenni isod yn eich arwain chi i wefan arall sy'n prosesu'r ceisiadau hyn ar ran Cyngor Sir Powys.

Gwneud cais am dystysgrif diogelwch maes chwaraeon

Rhoi gwybod am newid i'ch amgylchiadau presennol

 

Deddfwriaeth

Ardystio diogelwch meysydd chwaraeon - canllawiau ar wefan Awdurdod Trwyddedu Pêl-droed. 

Deddf Diogelwch Meysydd Chwaraeon 1975

Deddf Diogelwch Tân a Diogelwch Llefydd Chwaraeon  1987

Cymdeithasau Masnach

 Federation of Sports and Play Associations (FSPA)

Scottish Sports Association (SSA)