A | B | C | D | E | F | Ff | G | H | I | L | Ll | M | N | O | P | R | Rh | S | T | W | Y
Niwsans
Mae gan Wasanaeth Iechyd yr Amgylchedd bwerau cyfreithiol penodol i ddelio â phroblemau niwsans a gall fynd i'r afael ag amrywiaeth o gwynion gan gynnwys:
- Eiddo diwydiannol, masnachol neu ddomestig diffygiol
- Mwg
- Mygdarthau neu nwyon o eiddo domestig
- Llwch, stêm neu arogleuon o eiddo diwydiannol neu fasnachol
- Crynodiadau neu waddodion
- Anifeiliaid sy'n cael eu cadw mewn cyflwr gwael
- Cyrsiau dwr
- Gweithfeydd sydd wedi'u gadael neu ddim yn cael eu defnyddio
- Chwareli
- Golau artiffisial
- Pryfaid
A oes dewis arall yn hytrach na gwneud cwyn am niwsans?
Gall problemau niwsans gael eu datrys trwy gael sgwrs gyda'r unigolyn sy'n achosi'r niwsans. Efallai nad yw'r unigolyn yn ymwybodol eu bod yn achosi problem i chi. Os byddwch yn rhoi gwybod iddynt eich bod yn cael problem, yna rydych yn rhoi cyfle iddynt ddelio gyda'r niwsans heb yr angen iddynt wneud cwyn ffurfiol.
Gall Cyfryngu Powys, gwasanaeth cyfryngu lleol, eich helpu i ddatrys dadleuon rhwng cymdogion.
Efallai y bydd achlysuron lle nad ydych am sgwrsio yn uniongyrchol â chymydog. Os felly, gallwch wneud cwyn am niwsans i'r Cyngor.
Sut ydw i'n gwneud cwyn am niwsans?
Gellir gwneud cwynion i Iechyd yr Amgylchedd yn y ffyrdd canlynol:
- yn bersonol yn ein swyddfeydd
- dros y ffôn
- trwy lythyr
- trwy e-bost
Dylai eich cwyn gynnwys y wybodaeth ganlynol:
- Eich enw a'ch cyfeiriad (lle bo hynny'n bosibl) a rhif ffôn yn ystod y dydd.
- Cyfeiriad (neu safle) lle mae'r niwsans yn dod ohono a'r math o niwsans.
- Pryd a pha mor hir mae'r niwsans yn digwydd.
- Y ffordd mae'r niwsans yn effeithio arnoch chi (e.e. mwg o goelcerth yn eich rhwystro rhag eistedd yn eich gardd).
- Unrhyw beth yr ydych wedi'i wneud i geisio delio â'r broblem (e.e. siarad â'r unigolyn sy'n achosi'r niwsans).
- Unrhyw wybodaeth ar fanylion landlord [os yn berthnasol].
Bydd manylion amdanoch megis eich enw a'ch cyfeiriad yn cael eu cadw'n gwbl gyfrinachol.
