A | B | C | D | E | F | Ff | G | H | I | L | Ll | M | N | O | P | R | Rh | S | T | W | Y
Cludiant a Strydoedd
Croeso i dudalen gwe Trafnidiaeth a Strydoedd Cyngor Sir Powys.
Yn y tudalennau hyn fe welwch bopeth sydd angen i chi wybod ar sut i deithio o gwmpas Powys - o amserlenni bysiau i newyddion am waith ffordd, gwybodaeth am gerdded a seiclo a diogelwch ar y ffyrdd.
Yr hyn rydym ni'n ei wneud
Cyngor Sir Powys yw'r awdurdod priffyrdd a thrafnidiaeth gyhoeddus i sir weinyddol Powys.  Mae ein dyletswyddau o ran priffyrdd a thrafnidiaeth gyhoeddus yn cynnwys:
- Rheoli a chynnal a chadw rhwydwaith priffyrdd y Sir (gan gynnwys ffyrdd, troedffyrdd, arwyddion, pontydd, ceuffosydd a goleuadau stryd);
- Cynnal a chadw yn ystod y gaeaf (graeanu) a glanhau strydoedd;
- Hybu dulliau trafnidiaeth sy'n iach ac yn amgylcheddol gynaladwy (megis cerdded a seiclo) a chynnig cyngor ar gynllunio teithiau;
- Rheoli traffig yn effeithiol - o Gerbydau Nwyddau Trwm a chroesfannau i gerddwyr, i fesurau arafu traffig a chynlluniau eraill ar ddiogelwch ar y ffyrdd.
- Trefnu addysg, hyfforddiant ac ymwybyddiaeth am ddiogelwch ar y ffyrdd;
- Darparu cymorth refeniw a chaffael gwasanaeth bws lleol sy'n 'angenrheidiol yn gymdeithasol', a gweinyddu'r cynllun teithio'n rhatach;
- Rheoli datblygu priffyrdd - gan gynnwys sicrhau cyfraniadau gan ddatblygwyr ar gyfer seilwaith a gwasanaethau newydd;
- Darparu a rheoli meysydd parcio oddi ar y stryd, a mannau parcio ar y stryd;
- Trwyddedu tacsis (cerbydau hacni a cherbydau llogi preifat)
Hefyd, mae'r Cyngor Sir yn gweithio'n glos â nifer o bartneriaid allweddol i sicrhau gwelliannau ar gefnffyrdd Powys, gwella gwasanaethau a chyfleusterau rheilffordd a darparu trafnidiaeth gymunedol. Fel yr Awdurdod Addysg Lleol, mae'r Cyngor Sir yn trefnu trafnidiaeth o'r Cartref i'r Ysgol.
System integredig a chynaladwy yw ein gweledigaeth ar gyfer trafnidiaeth a theithio ym Mhowys. Rhaid cael system sy'n ddiogel, yn effeithiol, yn hawdd i'w defnyddio, ar gael i bawb yn y gymdeithas ac yn cefnogi gweithgareddau economaidd, cymunedol a diwylliannol trigolion Powys, a'r rheiny sy'n teithio trwy Bowys i fannau eraill.
Sut rydym yn gwneud hynny
Mae strategaeth y Cyngor Sir ar gyfer cyflwyno ei system trafnidiaeth integredig i'w gweld yn y Cynllun Trafnidiaeth Lleol. Cynllun statudol yw hwn (o dan Ddeddf Trafnidiaeth 2000) a bydd mewn grym am gyfnod o 5 mlynedd.
Mae Cyngor Sir Powys yn aelod o Trafnidiaeth Canolbath Cymru (TraCC) - y consortiwm trafnidiaeth yng Nghanolbarth Cymru.
Dylech gofio bod rhai o ffyrdd prysuraf Powys (megis yr A470, A489, A483, A40 a rhan o'r A44) yn gefnffyrdd sy'n cael eu rheoli a'u cynnal a chadw gan Lywodraeth Cynulliad Cymru. Penodwyd Partneriaeth rhwng Cynghorau Sir Powys a Cheredigion fel Asiantaeth Cefnffyrdd Canolbarth Cymru.
Â
Rhagor o wybodaeth
