Llogi Beiciau

TEITHIAU RHENTU A REIDIO GYDAG ARWEINYDD

Mwynhewch y golygfeydd lleol ar daith dan arweiniad Tim Davies, arweinydd seiclo cymwys.

Byddwn yn trefnu teithiau dros fisoedd yr haf, felly os hoffech gael ragor o wybodaeth cysylltwch â'r ganolfan.

Mae'r prisiau'n cynnwys beic os oes angen, ond rhaid cadw lle, felly ffoniwch y ganolfan i drefnu.

RHENTU A REIDIO BEICIAU

Mae hyd yn oed yn haws i chi logi beiciau yn Llandrindod.

Gall Ganolfan Chwaraeon Llandrindod gynnig y profiad seiclo i bawb; profiad pleserus heb gar.

Mae gennym faes parcio mawr i gwsmeriaid, lle gallwch adael y car a llogi beic o'r ansawdd gorau. Cewch helmed, cloeon, bagiau cefn a mapiau am ddim, fel y gallwch stopio a mwynhau'r golygfeydd ar y ffordd. P'un ai'n daith esmwyth ar noson hyfryd o haf, neu thaith fer ar gefn beic cyn ymlacio yn ein pwll nofio, mae gennym y beic ar eich cyfer chi. Mae gennym 15 o feiciau hybrid o'r ansawdd orau i ddynion, merched a phlant, yn cynnwys seddi i blant, yn ogystal â helmedau arbenigol i bawb o bob oed. Mae ein staff cyfeillgar yma i'ch helpu chi, ac mae gennym bopeth sydd ei angen arnoch i fwynhau taith arbennig ar gefn beic!!

SEICLO I IECHYD DA

I'r rhai ohonoch sy'n credu bod seiclo'n golygu 30 milltir o daith yn gwisgo lycra melyn llachar, yna meddyliwch eto. I rywun sy'n ail-gychwyn seiclo, mae hyd yn oed mynd am ychydig ar gefn beic yn gallu gostwng eich risg o farw o drawiad ar y galon neu strôc o 22%. Mae pob dim yn help. Beth am logi beic cyn gêm o fadminton, i fynd i weld ffrind, mynd â'r wyron am daith fer neu ymuno ag un o'n teithiau rheolaidd gydag arweinydd. Ar ôl pythefnos ar gefn eich beic, fe sylwch nad ydych mor fyr o anadl, bydd gennych lwyth o egni ac yn teimlo'n bositif am fywyd. Gallwch hyd yn oed golli hyd at 11 pwys o frasder y flwyddyn trwy seiclo'n unig!!

Prisiau

	Yr awr	4-8 awr	Diwrnod	Wythnos	Ychwanegol
Oedolyn	£1.25	£4.50	£6.00	£20.00
Plant*	£1.00	£3.50	£4.50	£12.00
Sedd Plentyn*					£1.00
Rac Car					£3.00
Cloeon					Am ddim
Goleuadau					Am ddim
Bagiau cefn					Am ddim
Helmedau					Am ddim

* dim ond trwy logi beic i Oedolyn.

Archebu

Cysylltwch â'r ganolfan gyda'ch anghenion. Bydd angen rhyw fath o ddiogelwch wrth gasglu'r beiciau (allweddi'r car os ydych yn gadael y car) neu dystiolaeth ID.

Gyda chymorth grant Cronfa Byw'n Weithgar - menter Llywodraeth Cynulliad Cymru, a sefydlwyd i helpu i greu cyfleoedd newydd am weithgareddau corfforol. Trwy hyn, bydd nifer fawr o bobl yn gallu cymryd rhan.