Cwricwlwm Ieuenctid Cymru

 

Mae Cwricwlwm Gwaith Ieuenctid Cymru yn datgan y dylai pobl ifanc Cymru gael cyfleoedd sy'n Addysgiadol, Cyfranogol, Grymusol, Mynegiannol a Chynhwysol.  Cyflwynir y cwricwlwm ym Mhowys mewn amrywiaeth o leoliadau, gan ddefnyddio amrywiaeth o weithgareddau i helpu i ddenu pobl ifanc ar wahanol lefelau.

Mae Gweithwyr Ieuenctid yn gweithio gyda phobl ifanc i'w galluogi nhw i ddeall a gweithredu ar eu hawliau a'u cyfrifoldebau.  Trwy weithio gyda'i gilydd, maen nhw'n cyflwyno delwedd bositif o bobl ifanc i eraill trwy broses sy'n annog hunan benderfyniad a hynny mewn ffordd sy'n cynnig her ac yn hwyl.

Dyma ganllaw byr am y 4 maes a ddynodwyd yn y Cwricwlwm Gwaith Ieuenctid Cymru.

Addysgiadol

Galluogi pobl ifanc i gael sgiliau, gwybodaeth ac agweddau sydd eu hangen i ddynodi, hyrwyddo a dilyn eu hawliau a'u cyfrifoldebau fel unigolion ac fel aelodau o grwpiau a chymunedau, yn lleol, yn genedlaethol ac yn rhyngwladol.

Cyfranogol

Annog a chefnogi pobl ifanc i fod yn bartneriaid a rhannu cyfrifoldebau am y cyfleoedd, prosesau dysgu a'r strwythurau gwneud penderfyniadau sy'n effeithio ar eu bywydau a'u hamgylcheddau nhw a phobl eraill.

Grymusol

Annog a galluogi pobl ifanc i ddeall ac ymarfer eu hawliau gan gynnwys:

cydnabod bod gan unigolion ifanc hawliau a bod hyn yn awgrymu parchu hawliau eraill;
• cefnogi pobl ifanc i fod yn ddinasyddion ac aelodau cyfrifol o'u cymunedau;
• annog pobl ifanc i weithredu ar y materion personol, cymdeithasol a gwleidyddol sy'n effeithio ar eu bywydau nhw a bywydau eraill ac i ddatblygu rhinweddau sy'n gwneud arweinydd da.

Mynegiannol

Annog a galluogi pobl ifanc i fynegi eu deallwriaeth a gwybodaeth a'u syniadau, barn, emosiynau a dyheadau trwy ystod eang o gyfleoedd creadigol ac yn aml heriol.

 

CYNHWYSOL

Galluogi pobl ifanc i ddatblygu gwybodaeth, dealltwriaeth ac agweddau ac ymddygiad positif tuag at:

• amrywiaeth hiliol, cymdeithasol ac hunaniaeth ddiwylliannol;

• treftadaeth;

• iaith a gwerth iaith eu hunain;

• dinasyddiaeth;

• parch tuag at ddewisiadau pobl eraill.

 

Cyswllt:

Neil Matthews

Prif Swyddog Ieuenctid Dros Dro

Y Gwalia,

Ffordd Ithon,

Llandrindod,

Powys LD1 6AA

01597 82 7675