Lwfansau Myfyrwyr Anabl

Mae'r lwfansau myfyrwyr anabl yn darparu cymorth ariannol tuag at ddarparu cyfarpar arbenigol a threuliau cyffredinol eraill ar gyfer myfyrwyr sydd ag anableddau.

Mae'r Lwfansau Myfyrwyr Anabl yn darparu cymorth ariannol ychwanegol os oes gennych anabledd neu anhawster dysgu penodol megis dyslecsia. Cânt eu talu ar ben y pecyn cyllid myfyrwyr sylfaenol ac nid oes yn rhaid eu had-dalu.

Beth yw Lwfansau Myfyrwyr Anabl?

Grantiau yw'r Lwfansau Myfyrwyr Anabl sy'n helpu i dalu'r costau astudio ychwanegol sy'n wynebu myfyrwyr fel canlyniad uniongyrchol o anabledd, cyflwr iechyd meddwl neu anhawster dysgu penodol. Maent wedi eu cynllunio i helpu myfyrwyr anabl i astudio'n gyfartal â myfyrwyr eraill.

Gall myfyrwyr amser llawn, rhan-amser a myfyrwyr ôl-radd gwneud cais am Lwfansau Myfyrwyr Anabl.

Ni fydd y swm y gallwch ei gael yn dibynnu ar incwm eich cartref. Nid oes rhaid i chi dalu hwn yn ôl. Caiff Lwfansau Myfyrwyr Anabl eu talu ar ben y pecyn cyllid myfyrwyr sylfaenol.

 

Beth ydynt am?

Gall Lwfansau Myfyrwyr Anabl helpu gydag:

• offer arbenigol a fydd eu hangen arnoch i astudio - er enghraifft, meddalwedd cyfrifiadurol
• cynorthwy-ydd anfeddygol, megis rhywun i gymryd nodiadau neu i ddarllen
• costau teithio ychwanegol y bydd yn rhaid i chi eu talu oherwydd eich anabledd
•  costau eraill - er enghraifft, tapiau neu bapur Braille

Ydych chi'n gymwys?

Gallwch wneud cais os ydych yn astudio:

• cwrs amser llawn sy'n para o leiaf blwyddyn (gan gynnwys cwrs dysgu o bell)
• cwrs rhan-amser sy'n para blwyddyn ac nad yw'n cymryd mwy na dwywaith yn hirach i'w gwblhau na chwrs amser llawn cyfatebol (gan gynnwys cwrs mewn Prifysgol Agored neu unrhyw gwrs dysgu o bell arall)

 

Am ragor o wybodaeth, ewch i'r adran 'Pobl Anabl' ar wefan DirectGov.

Dolenni Defnyddiol:

Cyllid Myfyrwyr

Cyllid Myfyrwyr Cymru

Arweiniad Gyrfaoedd

DirectGov