A | B | C | D | E | F | Ff | G | H | I | L | Ll | M | N | O | P | R | Rh | S | T | W | Y

Cynaliadwyedd / Dinasyddiaeth Fyd Eang

Addysg ar gyfer Datblygu Cynaliadwy a Dinasyddiaeth Fyd-Eang

Ni ddylid cyfyngu Addysg o Ansawdd ar gyfer Datblygu Cynaliadwy a Dinasyddiaeth Fyd-eang i'r dosbarth nac i un athro. Dylid ei gynnwys o fewn y cwricwlwm cyfan, mewn gwaith rheoli, llywodraethwyr ac addysgwyr yr ysgol, ac nid fel pwnc 'ychwanegol' yn unig. Mae'n cynnwys partneriaethau mae'r ysgol yn ei chreu â mudiadau a'r gymuned leol. Mae ei wreiddiau wedi'u plannu mewn addysg amgylcheddol ac addysg ddatblygu.

O ganlyniad, mae llawer o'r blociau adeiladu ar gyfer datblygu cynaliadwy a dinasyddiaeth fyd eang eisoes ar gael ym mhob ysgol.

Beth yw ADCDF

Addysg ar gyfer Datblygu Cynaliadwy
Galluogi pobl i ddatblygu'r wybodaeth, gwerthoedd a sgiliau i gymryd rhan mewn penderfyniadau am y ffordd rydym yn gwneud pethau'n unigol ac ar y cyd, yn lleol ac yn fyd eang, a fydd yn gwella ansawdd ein bywyd nawr heb ddifrodi'r blaned ar gyfer y dyfodol.

Addysg ar gyfer Dinasyddiaeth Fyd-eang
Galluogi pobl i ddeall y grymoedd byd eang sy'n llunio eu bywydau ac i gael y gwybodaeth, sgiliau a gwerthoedd a fydd yn eu galluogi i gymryd rhan yn y broses o wneud penderfyniadau, ar lefel lleol a byd-eang, sy'n hybu byd mwy cyfartal a chynaliadwy.

Mae Addysg ar gyfer Datblygu Cynaliadwy a Dinasyddiaeth Fyd-eang am :

Y cysylltiadau rhwng cymdeithas, yr economi a'r amgylchedd a rhwng ein bywydau ein hunain a bywydau pobl led led y byd
Anghenion a hawliau'r cenhedlaethau presennol a'r dyfodol
Y berthynas rhwng pwer, adnoddau a hawliau dynol
Goblygiadau lleol a byd eang yr holl bethau rydym yn eu gwneud a'r gweithredoedd y gall unigolion a sefydliadau eu gwneud mewn ymateb i broblemau lleol a byd eang.

Nid yw'n:

bwnc ar wahân;
yn gyfres o gysyniadau neu bynciau;
wedi'i gyfyngu i'r dosbarth;
yn gyfrifoldeb un unigolyn;
trosglwyddo cyfres o atebion i'r myfyrwyr .

Cwestiynau y gall ysgolion eu gofyn :

Oes gennym bolisi ADCDF?
Oes gennym gydlynydd ADCDF?
A ydym wedi cwblhau archwiliad yn ein Cynllun Datblygu Cynaliadwy?
A yw ein darpariaeth ABCh yn rhoi digon o sylw i ADCDF?
A ydym yn adolygu'r posibilrwydd o newid ein proses caffael bwyd?
A ydym yn gwneud ein gorau i gynyddu bioamrywiaeth ar diroedd yr ysgol?
A ydym yn defnyddio bwydydd a diodydd iachus a chynaliadwy?
Oes gennym bolisi Masnach Deg fel sefydliad ?
A yw ein hysgol yn ganolbwynt ar gyfer gweithgareddau ADCDF cymunedol ?
Oes gennym gysylltiadau â mudiadau allanol i gefnogi ADCDF: ymweliadau tu allan i'r ysgol ?
Oes gan ein hysgol gyswllt addysgiadol cynaliadwy ag ysgol mewn ardal / gwlad arall, yn cynnwys gwledydd sy'n datblygu ?
A ydym yn cymryd rhan mewn mentrau Ysgolion Eco ac Ysgolion Iach ?
A yw ADCDF yn cael ei gynnwys mewn meysydd pwnc ?
A ydym yn creu cysylltiadau â'r Cwricwlwm Cymreig ac yn gwneud ADCDF yn berthnasol i fywyd bob dydd yng Nghymru ?
A ydym yn annog pobl ifanc i ofyn cwestiynau am ein byd a'r hyn y gallwn ni ei wneud i'w newid neu ei ddylanwadu?