Adneuo a Rhoddi Archifau

Rydym yn hapus i dderbyn dogfennau i'w cadw'n ddiogel yn Archifau Powys, os ydynt o fewn cylch gwaith ein polisi casglu.  Cysylltwch ag Archifau a bydd staff yn hapus i drafod hyn gyda chi.

Mae modd trosglwyddo cofnodion i ni un ai fel rhodd, neu ar fenthyciad tymor hir.  Bydd y perchennog yn derbyn derbynneb a chopi o'r catalog cyn gynted ag y bydd wedi'i orffen.  Cliciwch ar y dolenni ar y dde i weld ein polisi casglu ac amodau adneuo.

Bydd y dogfennau'n cael eu cadw'n ddiogel mewn amgylchedd rheoledig er mwyn sicrhau eu bod yn cael eu cadw'n barhaol.  Byddant ar gael i'r cyhoedd o dan oruchwyliaeth ofalus.