Ôl-ddyddio

Ôl-ddyddio Hawliadau

Gallwch hawlio Budd-dâl Tai am gyfnod sydd wedi mynd heibio - sef ôl-ddyddio.

Rhaid i gais i ôl-ddyddio gael ei wneud yn ysgrifenedig.

Uchafswm y cyfnod y gellir ôl-ddyddio hawliad yw tri mis os ydych chi, neu eich partner yn 60 oed neu'n hyn, neu chwe mis os ydych chi, neu eich partner yn iau na 60, o ddyddiad eich cais am fudd-dâl wedi'i ôl-ddyddio.

Er mwyn ôl-ddyddio hawliad, rhaid i ni fod yn fodlon:

• eich bod wedi dangos rheswm da am beidio hawlio'n gynt, a
• bod y rheswm hwnnw wedi bodoli'n barhaol yn ystod y cyfnod y gwneir cais i ôl-ddyddio ar ei gyfer

Rhaid i chi ddangos rheswm da parhaol am beidio hawlio'n gynt, a rhaid i ni fod yn fodlon fod eich amgylchiadau yn y cyfnod yn ddigonol fel bod unrhyw unigolyn rhesymol o'ch oed a'ch profiad wedi methu hawlio budd-dâl.

Rhaid i chi brofi "rheswm da" ond rhaid i ni ystyried holl ffeithiau eich achos.

Dyma rai enghreifftiau o "reswm da":

• Os na wnaethoch gais am fudd-dâl yn syth ar ôl gadael yr ysbyty
• Os oeddech yn sâl a bod neb i wneud cais ar eich rhan
• Os nad oeddech yn deall y gallech hawlio budd-dal, efallai oherwydd oed, diffyg profiad neu anawsterau ieithyddol
• Os oeddech wedi dioddef profedigaeth deuluol yn ddiweddar.

Beth sy'n digwydd pan gaiff cais i ôl-ddyddio ei wneud

Caiff eich cais ei ystyried gan Swyddog Budd-daliadau. Po fwyaf o wybodaeth a thystiolaeth y byddwch yn ei roi i gefnogi eich cais, y cyflymaf caiff penderfyniad ei wneud.

Weithiau, byddwn angen ysgrifennu atoch i gael rhagor o wybodaeth, neu ofyn i chi ddod i mewn am gyfweliad ffurfiol.

Byddwn yn edrych ar eich cais eto, a byddwch yn derbyn llythyr yn dweud beth yw ein penderfyniad.

Os ydym yn penderfynu nad oes gennych "reswm da", ac na allwn ôl-ddyddio eich hawliad, byddwn yn nodi'r rhesymau yn y llythyr.

Yna, bydd gennych hawl i apelio yn erbyn y penderfyniad i beidio ôl-ddyddio hawliad.