Canfod sut a pham mae Powys yn Ymgynghori

Gellir diffinio ymgynghori fel:

- ceisio gwybodaeth neu farn neu gyngor gan rhywun

- ceisio caniatâd neu gymeradwyaeth gan rywun ar gyfer gweithred arfaethedig.

(ffynhonnell - Oxford English Dictionary)

Fel Cyngor rydym yn ymgynghori â chi am y ddau reswm hyn.  Yn gyntaf, rydym am i chi fod yn hapus gyda'n gwasanaethau ni, ac yn ail rydym am gael eich sylwadau a'ch barn chi am unrhyw newidiadau neu gynlluniau newydd er mwyn gwneud yn siwr eu bod yn ateb eich anghenion chi.

Mae Powys yn sir wledig iawn ac mae cyflwyno gwasanaethau sy'n ateb anghenion ein trigolion i ni yn fusnes anodd.  Mae'n hanfodol ein bod yn ymgynghori â chi ar ein cynlluniau ni os ydym i gael pethau'n iawn.  Hefyd mae gwrando ar eich sylwadau chi a gwrando ar eich syniadau a'ch pryderon chi yn gallu ein helpu ni i wella ein gwasanaethau.

Mae Llywodraeth Cynulliad Cymru yn awyddus i chi fod yn rhan o'r broses gwneud penderfyniadau, ac felly mae ymgynghori yn waith hanfodol i Bowys a Chynghorau eraill.