Cynhalwyr Ifanc

Pobl y gallech fod yn eu hadnabod:

Therapyddion Galwedigaethol:

Gallant fod yn ymweld â'r sawl rydych yn gofalu amdanynt yn eu cartref i'w galluogi i fod mor annibynnol ag sy'n bosibl. Mae eu hangen gan y gall y rhai sy'n derbyn gofal ddod yn ddibynnol ar ofal, ac anghofio sut i ymolchi a choginio eu hunain ac ati.

Gweithiwr Cymorth i Deulu:

Dyma rywun fydd yn gweithio gyda theulu pan fyddant yn cael amser anodd. Gallant weithio â chynhaliwr ifanc trwy unrhyw anhawster sydd ganddynt neu gyda'r teulu cyfan er mwyn rhoi cefnogaeth.

Nyrs Seiciatryddol Gymunedol:

Maent wedi'u lleoli o fewn y Tim Iechyd Meddwl Cymunedol, sy'n debyg i syrjeri meddyg, ond bod gan y sawl sy'n derbyn gofal broblemau iechyd meddwl yn hytrach nag anhawster corfforol. Efallai eu bod yn dioddef o iselder neu Sgitsoffrenia. Gallant hefyd ymweld â chartrefi.

Gofal yn y Cartref:

Gall gofal yn y cartref helpu mewn ffyrdd ymarferol. E.e. ymolchi a gwisgo. Serch hynny, os oes gan rywun broblem iechyd meddwl, gall y cynorthwy-ydd gofal yn y cartref fod yn glust i wrando.

Gweithiwr Cymdeithasol:

Bydd gweithwyr cymdeithasol yn eich helpu chi a'ch teulu i weld pa gymorth a gwasanaethau rydych eu hangen. Gall hyn gynnwys budd-daliadau gofal yn y cartref a seibiant o'r cartref. Byddant hefyd yno i wrando ar unrhyw bryderon sydd gennych.

Nyrs Ardal:

Mae'r nyrs ardal yn cynnwys help a chyngor ymarferol ar ofalu. Gall ymweld â'ch ffrind/perthynas yn y cartref. Gall helpu mewn meysydd fel ymolchi, rhoi tabledi a newid dresin.