A | B | C | D | E | F | Ff | G | H | I | L | Ll | M | N | O | P | R | Rh | S | T | W | Y

Defnyddio'r Iaith Gymraeg

Addysg Gymraeg

Nod Cyngor Sir Powys yw i sicrhau fod addysg Gymraeg ar gael i’r holl blant y mae eu rhieni/gwarcheidwaid am iddynt dderbyn eu haddysg trwy gyfrwng y Gymraeg. Nid oes angen i chi allu siarad Cymraeg er mwyn i’ch plentyn gael ei addysgu trwy gyfrwng y Gymraeg – yn wir, daw’r rhan fwyaf o ddisgyblion sy’n derbyn eu haddysg trwy gyfrwng y Gymraeg o gartrefi di-Gymraeg.

Mae addysg Gymraeg ar gael ar draws Powys, ac ym mhob cyfnod o addysg, o’r cyfnod meithrin, trwy’r cynradd ac ymlaen i’r uwchradd.

Gall ddwyieithrwydd ddod â nifer o fanteision i’ch plentyn, ac os ydych yn ystyried addysg Gymraeg, mae’r cyngor wedi llunio taflen o’r enw ‘Ydych chi wedi ystyried addysg Gymraeg i’ch plentyn?’, sy’n cynnwys mwy o wybodaeth am addysg Gymraeg. Gallwch lawrlwytho copi yma.

Llyfryn - Ydych chi wedi ystyried addysg Gymraeg i'ch plentyn?

Cysylltiadau defnyddiol ar gyfer addysg Gymraeg

Addysg Gynradd

Mae'r Gymraeg yn cael ei dysgu ym mhob ysgol ar lefel cynradd.

Y ffordd orau o ddod yn hollol rhugl yn yr iaith Gymraeg yw i fynychu ysgol gynradd sy'n cynnig darpariaeth Gymraeg. Ym Mhowys, mae addysg gynradd Gymraeg ar gael mewn dau gategori o ysgolion, fel y ddifiniwyd gan Lywodraeth Cynulliad Cymru:

Categori 1 - ysgolion Cymraeg
Categori 2 - ysgolion dwy ffrwd, lle mae darpariaeth Gymraeg a Saesneg yn bodoli ochr yn ochr.

Mewn ysgolion neu ffrydiau Cymraeg, mae plant yn cael eu haddysgu trwy gyfrwng y Gymraeg yn unig yng Nghyfnod Allweddol 1 (hyd at 7 oed). Mae'r Gymraeg yn parhau fel y prif gyfrwng addysgu yng Nghyfnod Allweddol 2 (7 - 11 oed) a chyflwynir Saesneg fel pwnc.

Mae addysg Gymraeg ar gael i'r holl blant sy'n byw ym Mhowys, ac os nad oes ysgol neu ffrwd Gymraeg yn yr ardal lle rydych chi'n byw, bydd Cyngor Sir Powys yn darparu cludiant i'r ddarpariaeth Gymraeg agosaf o fewn Powys.

Ym mhob ysgol gynradd arall yn y Sir, mae Cymraeg yn bwnc sylfaen.

Addysg Uwchradd

Yn y cyfnod uwchradd, addysgir y Gymraeg fel pwnc yn yr holl ysgolion, ac mewn nifer o ysgolion hi yw cyfrwng addysgu'r pynciau eraill.

Er nad oes unrhyw ysgolion uwchradd cyfrwng Cymraeg ym Mhowys, mae darpariaeth Gymraeg uwchradd ar gael mewn ffrydiau Cymraeg mewn nifer o ysgolion uwchradd ar draws y Sir. Er bod nifer a natur y pynciau a gaiff eu haddysgu trwy gyfrwng y Gymraeg yn amrywio rhwng ysgolion uwchradd, nod Cyngor Sir Powys a phob ysgol uwchradd sydd â ffrwd Gymraeg yw i addysgu cymaint posibl o bynciau yn y Gymraeg a'r Saesneg ym mhob Cyfnod Allweddol, er mwyn sicrhau cyfle cyfartal a darpariaeth gyfartal ar gyfer yr holl ddisgyblion ym Mhowys.

Yn ardal Ystradgynlais, mae Cyngor Sir Powys yn darparu cludiant allan o'r sir i ddarpariaeth uwchradd Gymraeg yn Ysgol Gyfun Ystalyfera.

Categori 1 – Ysgolion Cymraeg

Ysgol	Rhif ffôn
Ysgol y Bannau, Aberhonddu	(01874) 622207
Ysgol Carno	(01686) 420209
Ysgol Dafydd Llwyd, Y Drenewydd	(01686) 622162
Ysgol Dyffryn Banw, Llangadfan	(01938) 820226
Ysgol Glantwymyn	(01650) 511394
Ysgol Gymraeg Dyffryn y Glowyr	(01639) 846060
Ysgol Llanbrynmair	(01650) 521339
Ysgol Llanerfyl	(01938) 820294
Ysgol Pennant, Pen-y-bont-fawr	(01691) 860326
Ysgol Pontrobert	(01938) 500394

Categori 2 – Ysgolion dwy ffrwd

Ysgol	Rhif ffôn
Ysgol Fabanod Ardwyn, Y Trallwng	(01938) 552005
Ysgol Gynradd Llanfair-ym-Muallt	(01982) 553600
Ysgol Gynradd Dolafon, Llanwrtyd	(01591) 610326
Ysgol Gynradd Dyffryn Trannon, Trefeglwys	(01686) 430644
Ysgol Gynradd Llanfair Caereinion	(01938) 810470
Ysgol Gynradd Llanfyllin	(01691) 648207
Ysgol Gynradd Llanrhaeadr-ym-Mochnant	(01691) 780352
Ysgol Gynradd Machynlleth	(01654) 702386
Ysgol Gynradd Maesydre, Y Trallwng	(01938) 552971
Ysgol Gynradd Rhaeadr Gwy	(01597) 810288
Ysgol Gynradd Rhiw Bechan, Tregynon	(01686) 650303
Ysgol Gynradd Pontsenni	(01874) 636268
Ysgol Gynradd Trefonnen, Llandrindod	(01597) 822190

Cynllun Strategol Cymraeg mewn Addysg (WESP)

Mae Llywodraeth Cymru'n mynnu bod y Cyngor yn llunio Cynllun Strategol Cymraeg mewn Addysg i weithredu Strategaeth Addysg Gymraeg Llywodraeth Cymru. Mae'r ddogfen yn gosod nodau'r Cyngor ar gyfer addysg Gymraeg a'r gobaith yw y bydd y cynllun hwn yn arwain at gynnydd yn narpariaeth Addysg Gymraeg ym Mhowys a chynnydd yn nifer y dysgwyr sy'n cael eu haddysg yn y Gymraeg. Daeth y ddogfen i rym ar 1 Ebrill 2012 ond bydd Llywodraeth Cymru'n mynnu ein bod yn ei hadolygu bob blwyddyn er mwyn rhoi adroddiad ar gynnydd ac i ddiweddaru'r cynnwys fel bo angen.

Gallwch lawr lwytho copi o'r ddogfen yma: