Iechyd a Diogelwch

Tîm Bwyd a Masnach Cyngor Sir Powys sy’n gyfrifol am orfodi rheoliadau iechyd a diogelwch mewn safleoedd fel swyddfeydd, gwestai, bwytai, storfeydd a siopau. Rydym yn rhannu’r cyfrifoldeb am hyn gydag Awdurdod Gweithredol Iechyd a Diogelwch y Llywodraeth, sy’n gyfrifol am archwilio diwydiannau cynhyrchu, adeiladu ac amaethyddiaeth.

Tasg y tîm yw sicrhau bod pob cyflogwr, gweithiwr ac unigolyn hunangyflogedig yn deall ac yn cydymffurfio â Deddf Iechyd a Diogelwch yn y Gwaith 1974 a deddfwriaeth gysylltiedig.

Ein dyletswyddau

Prif ddyletswyddau'r Tîm yw:

• Delio â chwynion ac ymholiadau am faterion iechyd a diogelwch
• Trefnu hyfforddiant iechyd a diogelwch
• Cynnal archwiliadau rheolaidd
• Gorfodaeth iechyd a diogelwch pan welir fod Rheoliadau wedi'u torri
• Archwilio damweiniau yn y gwaith

 

 

 

 

Archwiliadau Diogelwch Tân Am Ddim

Mae Gwasanaeth Tân ac Achub Canolbarth a Gorllewin Cymru bellach yn ymweld â chartrefi i gynnal archwiliadau diogelwch tân, a byddant yn darparu ac yn gosod larymau tân yn rhad ac am ddim.
 
Gallwch ofyn am archwiliad tân yn y cartref i chi neu i berthynas i chi trwy gysylltu â'r Gwasanaeth ar 0800 169 1234.