Dylunio a Thechnoleg

Rhaglenni Astudio
Mae rhaglenni astudio yn nodi beth y dylid ei ddysgu i ddisgyblion o ran dylunio a thechnoleg ym mhob cyfnod allweddol, ac maent yn sylfaen ar gyfer llunio cynlluniau gwaith.

Yng Nghyfnodau Allweddol 1, 2 a 3, rhennir y rhaglen astudio yn dair rhan sef:

• Gwybodaeth a Dealltwriaeth
• Sgiliau Dylunio
• Sgiliau Creu. 
  

Yng Nghyfnod Allweddol 3, rhennir Gwybodaeth a Dealltwriaeth yn dair is-adran: Systemau a Rheolaeth, Strwythurau a Deunyddiau.

Ym mhob cyfnod allweddol, nod y rhaglen astudio yw datblygu gallu disgyblion yn y maes dylunio a thechnoleg. Mae hyn yn gofyn iddynt gyfuno eu sgiliau Dylunio a Chreu gyda'u Gwybodaeth a'u Dealltwriaeth i ddylunio a gwneud cynnyrch. Yn y bôn, rhaid i ddisgyblion allu dylunio yr hyn y byddent yn hoffi ei wneud, a rhaid iddynt allu greu yr hyn y maent wedi'i ddylunio.  

Gellir dod o hyd i'r gofynion yn nhrefn y pynciau ar gyfer Dylunio a Thechnolegyn y ddogfen 'Dylunio a Thechnoleg yn y Cwricwlwm Cenedlaethol yng Nghymru. Gellir lawrlwytho'r ddogfen hon oddi ar wefan Llywodraeth Cynulliad Cymru trwy glicio ar y ddolen.