Gwybodaeth am Ddiogelwch i Ysgolion

Datganiad Diogelwch Amgueddfa Powysland, Y Trallwng

Mae'r amgueddfa'n llwyr dderbyn ei chyfrifoldebau o dan Ddeddfwriaeth Iechyd a Diogelwch. Mae ganddi Bolisi Iechyd a Diogelwch ynghyd ag asesiadau risg ysgrifenedig a gynhaliwyd mewn perthynas â'i chyfrifoldebau cyfreithiol ar gyfer pobl ag eithrio rhai a gyflogwyd (h.y. ymwelwyr) sy'n ymweld â'r safle ac yn defnyddio'r cyfleusterau.

Gallwch fod yn hyderus y byddwn yn cymryd pob gofal i sicrhau eich iechyd a'ch diogelwch tra byddwch ar y safle. Mae'r amgueddfa wedi gweithio'n glos â'r Cyngor Lleol a'r Awdurdod Gweithredol Iechyd a Diogelwch ynglyn â materion iechyd a diogelwch, ac mae am sicrhau y bydd eich ymweliad yn brofiad llawn hwyl, mwynhad a dysg.

Mae gan yr amgueddfa bolisi recriwtio, hyfforddi ac aesu staff sy'n sicrhau fod ganddynt gyfrifoldeb dros ddiogelwch a lles ymwelwyr / cyfranogwyr, a'u bod yn gymwys i ymgymryd â'u dyletswyddau.

Cefndir

Profiad	Mae'r amgueddfa ar ei ffurf bresennol wedi bod ar agor i'r cyhoedd ers 1990
Manylion y Lleoliad	Mae'r amgueddfa yn cynnig cyfle i ymwelwyr ymgymryd ag amrywiaeth o weithgareddau hanesyddol a chroesgwricwlaidd
Niferoedd Ymwelwyr	Mae'r amgueddfa'n denu tua 1000 o ymwelwyr a nifer o ymweliadau gan ysgolion bob blwyddyn
Addasrwydd	Ystyrir fod yr amgueddfa a'i hatyniadau yn addas ar gyfer disgyblion o bob oed
Manylion cyswllt	Mae'r amgueddfa'n edrych ymlaen at eich croesawu. Serch hynny, os ydych am drafod agweddau o'ch ymweliad neu os hoffech drefnu rhagymweliad, peidiwch ag oedi cyn cysylltu â'r Swyddogion Addysg a Mynediad Ffôn: 01938 554656. Mae rhestr o ysgolion sydd wedi ymweld â ni ar gael ar gais. Os hoffech drefnu ymweliad, cysylltwch â'r Swyddogion Addysg a Mynediad . Yn dilyn yr ymweliad, os bydd gennych unrhyw bryderon, neu os cafwyd problemau gyda rheolaeth y lleoliad neu ag iechyd a diogelwch aelodau o'ch grwp, byddai'r amgueddfa'n falch o gael eu trafod gyda chi. Ffôn: 01938 554656 neu e-bost: powysland@powys.gov.uk

Gwybodaeth Gyffredinol

Baw Anifeiliaid mewn mannau cyhoeddus	Caiff cwn fynd ar y safle, ond rhaid iddynt fod ar dennyn. Rhaid i berchnogion godi unrhyw faw cwn a'i roi yn ddiogel yn y biniau priodol. Ystyriwch anghenion defnyddwyr eraill!Mae croeso mawr i gwn cynorthwyo!
Hanes Troseddol / Gweithredu Sifil	Caiff pob mesur rhesymol ei gymryd i sirhau fod staff yr amgueddfa, sy'n cael eu gadael ar eu pennau eu hunain gyda disgyblion neu sydd mewn sefyllfa o gyswllt sylweddol â phlant wedi cael archwiliadau hanes troseddol a gweithredu sifil (difrod ac esgeulustod) a bod datganiadau'r swyddfa cofnodion troseddol yn bodoli ar gyfer y staff hynny.
Offer / Offer Chwarae	Caiff yr holl offer ei archwilio'n rheolaidd i sicrhau ei fod yn addas ar gyfer y diben, a bydd canlyniadau'r archwiliadau'n cael eu cofnodi mewn log offer. Rhaid i staff ysgolion oruchwylio'r plant bob amser.
Gwacau'r adeilad mewn Argyfwng	Mae trefn wacau'r adeilad mewn argyfwng yn bodoli. Mae holl staff yr amgueddfa'n gyfarwydd â hwy ac yn eu hymarfer yn rheolaidd. Mae Arwyddion Gwacau wedi'u codi ar y safle yn y mannau canlynol: Llawr Gwaelod, Llawr Cyntaf, yr Ail a'r Trydydd Llawr O glywed y larwm, sef cloch yn canu'n barhaol, rhaid i'r holl ymwelwyr fynd i'r Man Ymgynnull arbennig, yn y maes parcio ar Lanfa'r Gamlas.
Cyfleusterau i ymwelwyr sydd ag Anghenion Arbennig	Mae'r amgueddfa'n ceisio diwallu gofynion ymwelwyr sydd ag anghenion arbennig. Rhaid i ysgolion ac arweinwyr grwpiau sicrhau fod trefniadau addas yn bodoli fel bod goruchwyliaeth a chymorth addas ar gael i ddisgyblion sydd ag anghenion arbennig. Anabledd Corfforol - Mae mynediad i gadeiriau olwyn i'r holl safle ac mae lifft ar gael i'r orielau. Gofynnir i ofalwyr am ddefnyddwyr cadeiriau olwyn ddarparu trefniadau gadael yr adeilad os bydd tân, pan na fydd yn bosibl defnyddio'r lifft. Nam ar y Golwg - mae croeso i ymwelwyr sydd â nam ar y golwg gyffwrdd â'r arteffactau, a gellir trefnu i gasgliad arbennig i'w cyffwrdd fod ar gael trwy drefnu o flaen llaw. Mae’r amgueddfa’n ymwybodol y bydd angen i ysgolion gael gwybod am ddarpariaeth benodol ar gyfer gofynion asesiadau risg manylach ar gyfer rhai disgyblion sydd ag anghenion arbennig. Dan amgylchiadau o’r fath, dylai ysgolion gysylltu â’r amgueddfa.
Cymorth Cyntaf	Mae Cymorth Cyntaf ar gael wrth y dderbynfa, neu gofynnwch i aelod staff
Yswiriant (Cyfrifoldeb Cyhoeddus)	Mae gan yr amgueddfa yswiriant cyfrifoldeb cyhoeddus neu drydydd parti neu ddarpariaeth digonol arall hyd at o leiaf £5 miliwn. Gellir dangos copi o'r dystysgrif yswiriant i rai sy'n ymweld cyn eu hymweliad, er gwybodaeth
Uchafwm Maint Grwpiau	Gall yr amgueddfa gymryd grwpiau o hyd at 40.
Anghenion Meddygol	Dylai'r ysgol neu arweinydd y grwp gysylltu â'r amgueddfa os ydynt yn gwybod fod gan ddisgybl gyflwr / angen meddygol penodol neu ddifrifol. Bydd angen trafodaeth i ystyried trefniadau mewn argyfwng.
Ymddygiad Ymwelwyr (dim mynediad i ardaloedd sydd ar gyfer staff y safle yn unig)	Rhaid i ymwelwyr beidio · Mynd i ardaloedd sydd ddim ar agor i'r cyhoedd · Ymddwyn yn afreolus · Cyffwrdd unrhyw arteffactau · Anwybyddu cyfarwyddiadau'r swyddogion addysg Ni ddylai arweinwyr grwpiau adael plant heb eu goruchwylio.
Archwilio Safle'r Amgueddfa	Mae staff yr amgueddfa yn cynnal archwiliadau rheolaidd o'r cyfleusterau ac mae trefn adrodd fewnol yn bodoli ar gyfer unrhyw beryglon i ddiogelwch. Caiff yr Archwiliadau Safle eu cofnodi mewn log.
Cyfleusterau Lles	Mae toiled i bobl anabl ar gael ac yn cael eu goruchwylio / glanhau gan staff yr amgueddfa
Cyrsiau Dwr a Phyllau	Mae camlas wrth ymyl yr amgueddfa, mae'r mesurau rheoli sy'n bodoli mewn perthynas â pheryglon o ganlyniad i gyrsiau dwr fel a ganlyn: · Mae polyn ymestyn ar gael yn y lleoliad · Mae barier wrth ymyl y gamlas yn yr ardal wrth ymyl y lleoliad.Noder nad oes barier mewn ardaloedd eraill, a bydd angen cymryd gofal aruthrol.
Dyddiad	25 Awst 2005
Enw	Eva Bredsdorff - Curadur
Rhif Ffôn	01938 554656
Cyfeiriad e-bost	powysland@powys.gov.uk