Gwastraff o'r Cartref

Casgliadau gwastraff ac ailgylchu newydd

Os yw eich ardal yn elwa o'r cynllun newydd gyda'r blychau sydd i'w gweld yn y llun, cliciwch yma i gael y wybodaeth am y casgliadau yn eich tref neu bentref chi.

Casgliadau sachau sbwriel ac ailgylchu

Bydd y trigolion sydd heb eu heffeithio gan y newidiadau ac sy'n rhoi eu gwastraff allan mewn sachau yn gallu parhau i ailgylchu o'u cartrefi.  Bydd aelwydydd yn derbyn sachau ailgylchu i roi eu deunyddiau i'w hailgylchu ynddynt a gofynnir iddynt eu rhoi allan i'w casglu bob wythnos ar yr un diwrnod â'r diwrnod casglu sbwriel arferol.

Mae dau liw - sachau ag ysgrifen goch, a sachau ag ysgrifen ddu.      

Mae'r sach â'r ysgrifen goch ar gyfer: 

• Poteli plastig - wedi'u golchi a'u gwasgu
• Tuniau a chaniau - wedi'u rinsio a'u gwasgu
• Bagiau plastig a haenen lynu - rhowch y cyfan mewn un bag

Mae'r sach â'r ysgrifen ddu ar gyfer:

• Cardfwrdd ysgafn wedi'i gwasgu
• Papurau newydd a llyfrau ffôn
• Cylchgronau a llythyrau sothach - tynnwch yr holl orchuddion plastig
• Dillad a thecstilau - sych a glân
• Bagiau llaw, beltiau ac esgidiau wedi'u clymu fesul pâr 

Os mai'r cynllun hwn sydd efo chi, ni fyddwn yn derbyn:

• Gwydr (oni bai eich bod wedi derbyn basged gwydr)
• Gwastraff bwyd
• Cynwysyddion plastig
• Hambyrddau plastig