A |  B |  C |  D |  E |  F |  Ff |  G |  H |  I |  L |  Ll |  M |  N |  O |  P |  R |  Rh |  S |  T |  W |  Y

Adborth

Sylwadau Anffurfiol

Drwy yrru'r ffurflen hon 'rydych yn cadarnhau eich bod wedi darllen ac yn derbyn y datganiad preifatrwydd isod

Dangos/Cuddio Datganiad Preifatrwydd

Datganiad Preifatrwydd

Mae Cyngor Sir Powys yn derbyn y cyfrifoldebau canlynol am wybodaeth bersonol a gofnodir drwy’r dudalen we hon:-

  1. Defnyddir yr wybodaeth am y rheswm a gytunwyd ac edrychir ar ei hôl yn ddiogel
  2. Cedwir yr wybodaeth am gyhyd ag sy’n angenrheidiol yn unig neu i gydymffurfio â gofynion statudol ac yna bydd yn cael ei dinistrio yn ddiogel.
  3. Os oes angen rhannu eich gwybodaeth gydag asiantaethau eraill bydd yr adran neu’r gwasanaeth dan sylw yn gofyn am ganiatâd penodol (wedi ei arwyddo) cyn gynted â phosibl oni bai ei bod yn ofynnol i ni yn ôl y ddeddf ddatgelu’r wybodaeth.

Gellir canfod gwybodaeth fanwl ar ein tudalennau gwe Rhyddid Gwybodaeth neu gan y Tîm Rheoli Gwybodaeth.

To top

Gwneud Cwyn neu roi Canmoliaeth Ffurfiol

Fel Cyngor, mae'n bwysig ein bod yn dilyn arfer da, ond hefyd yn dysgu o'n camgymeriadau.  Felly, byddwn yn ystyried pob gwyn, sylwadau a chanmoliaeth o ddifrif.  Mae hyn yn golygu :

  • Bydd y Cyngor yn ei wneud yn hawdd i chi gysylltu â ni a byddant yn dweud wrthych sut i wneud hynny.
  • Bydd y Cyngor yn rhoi manylion i chi ar sut y byddwn yn delio â'ch cwynion neu sylwadau.
  • Bydd y Cyngor yn anfon ymateb llawn i chi o fewn deg diwrnod gwaith.  Os oes angen ymateb mwy manwl byddwn yn cydnabod eich cyfathrebiad o fewn 5 diwrnod gwaith o'i dderbyn a'n nod yw rhoi ymateb llawn i chi o fewn 20 diwrnod gwaith (defnyddir gwahanol amseroedd ymateb gan Wasanaethau Cymdeithasol neu Gwynion Ysgol)
  • Bydd y Cyngor yn gadael i chi wybod am unrhyw gynnydd ac unrhyw oedi.
  • Unwaith y bydd y gwyn wedi'i datrys, efallai bydd y Cyngor yn gofyn i chi am adborth ynglyn â sut y deliwyd â'r gwyn, er mwyn parhau i wella safon y gwasanaeth gwynion.

Pan mae pethau'n mynd o'i le

Rydym eisiau cael adborth, p'un ai os yw hynny'n bositif neu negatif.  Os nad ydych yn hapus gyda'r Cyngor mae'n bwysig ein bod yn clywed gennych cyn gynted â phosibl.

Cam 1 – Cyswllt Cyntaf

Ein nod yw datrys problem cyn gynted â mor effeithiol â phosibl.  Mae'n well delio â chwynion yn syth.  Lle'n bosibl, trafodwch eich cwyn gyda'r swyddog lleol yr ydych yn delio â hwy.  Yn y mwyafrif o achosion gellir datrys y broblem yn ystod y cyfnod hwn.  Fodd bynnag, os na ellir datrys y broblem yn anffurfiol, gofynnwch i gael sgwrs gyda Swyddog Cwynion y gwasanaeth perthnasol, neu llenwch ein ffurflen Gwynion a Chanmoliaeth.

Cam 2 – Ymchwiliad Swyddogol

Pan fydd eich cwyn yn dod i law, bydd y Swyddog Cwynion yn cydlynu ymchwiliad i'ch cwyn ar y cyd ag Uwch Swyddog neu Grwp Gyfarwyddwr.  Bydd ymateb yn cael ei anfon o fewn deg diwrnod gwaith.  Os oes angen ymateb mwy manwl byddwn yn cydnabod eich cyfathrebiad o fewn 5 diwrnod gwaith o'i dderbyn a'n nod fydd i anfon ymateb llawn o fewn 20 diwrnod gwaith.  (Gweler isod ar gyfer Cwynion Gwasanaethau Cymdeithasol neu Ysgolion.)  

Nid yw pob cwyn yr un fath

Mae gan rai gwasanaethau gweithdrefnau gwahanol ar gyfer delio â chwynion.  Bydd rhai o'r gweithdrefnau hyn wedi'u sefydlu gan y Llywodraeth Ganolog :

Cydraddoldeb

Os oes gennych unrhyw gwynion, sylwadau neu ganmoliaeth ynglyn ag unrhyw fater yn ymwneud â chydraddoldeb (cefndir ethnig, hil, rhyw, oed, anabledd, crefydd / cred, cyfeiriadedd rhywiol neu iaith) Defnyddiwch ein ffurflen Gwynion a Chanmoliaeth, ond gadewch i ni wybod bod y gwyn yn ymwneud â chydraddoldeb.

Ysgolion

O dan y Ddeddf Addysg 2002, mae gofyn i gyrff llywodraethol sefydlu a chyhoeddi gweithdrefnau cwynion.  Os ydych yn dymuno gwneud cwyn ynglyn ag ysgol, dylech ofyn am gopi o weithdrefn gwynion y cyrff llywodraethol.  Dylid gwneud unrhyw gwynion yn unol â'r gweithdrefnau hynny.

Plant a Theuluoedd (Gwasanaethau Cymdeithasol Plant cynt) a Gofal Cymdeithasol (Gofal Cymdeithasol i Oedolion cynt)

Bydd cwynion ynglyn â'r gwasanaethau hyn yn cael eu trin o dan drefniadau statudol arbennig, ond gellir cychwyn y broes trwy lenwi ein ffurflen Gwynion a Chanmoliaeth neu drwy gysylltu â'r Gwasanaethau CwsmerGwasanaethau Cwsmer.

Sut i wneud cwyn neu roi canmoliaeth ffurfiol

Gallwch lenwi'r ffurflen Gwynion a Chanmoliaeth ar-lein, neu gallwch ei hargraffu o'r fan yma a'i dychwelyd at yr Uned Gwasanaethau Cwsmer.

Sut i roi gwybod i ni beth yw eich barn chi

Os oes gennych unrhyw sylwadau neu awgrymiadau, gallwch gysylltu â ni mewn nifer o ffyrdd :

Dywedwch wrth yr aelod o staff yr ydych yn delio â hwy,

Cysylltwch â

Gwasanaethau Cwsmer yn Y Gwalia, Ffordd Ithon, Llandrindod, LD1 6AA. 

Rhif ffôn: 0845 602 7040 /01597 827472 Ffacs: 01597 827276

ebost, haveyoursay@powys.gov.ukhaveyoursay@powys.gov.uk

Ysgrifenwch at bennaeth y gwasanaeth perthnasol neu Grwp Gyfarwyddwr,

Gwnewch sylwadau anffurfiol trwy ddefnyddio'r ffurflen ar-lein isod,

Gwnewch gwyn neu rhowch ganmoliaeth swyddogol.

Os nad ydych yn gallu datrys eich cwyn gyda'r Cyngor, efallai y byddwch yn dymuno i fynd â'r mater at eich Ombwdsmon Llywodraeth Leol (gweler isod ar gyfer y manylion)

Yr Ombwdsman Llywodraeth Leol

Os nad ydych yn fodlon ag ymateb y Cyngor i'ch cwyn gallwch gyfeirio'r mater at yr Ombwdsman Llywodraeth Leol Annibynnol yn y cyfeiriad canlynol :

Ombwdsman Gwasanaethau Cyhoeddus Cymru
1 Ffordd yr Hen Gae
Pencoed
CF35 5LJ

Ffôn: 01656 641150

Ffacs:  01656 641199

E-bost: ask@ombudsman-wales.org.uk

Gwefan: http://www.ombudsman-wales.org.uk/content.php?nID=1;lang=2

Noder - newidiwyd y manylion cysylltu hyn ym mis Mehefin 2006.

Cyswllt Gwasanaeth

Gwasanaethau Cwsmer

Cyfeiriad E-bost: customer@powys.gov.uk

Teleffon: 0845 602 7030

Ffacs: 01597 827276

Cyfeiriad:
Gwasanaethau Cwsmer
Y Gwalia
Ffordd Ieithon
Llandrindod
Powys
LD1 6AA

RSS