Cynllun Cyhoeddiadau

• Cyflwyniad
• Dosbarthiadau Gwybodaeth
• Y dull a ddefnyddir i sicrhau bod y wybodaeth a gyhoeddir dan y cynllun hwn ar gael
• Ffioedd y gellir eu codi am wybodaeth a gyhoeddir dan y cynllun cyhoeddi yma
• Ffioedd am lungopïo (fesul ochr):
• Ceisiadau Ysgrifenedig
• Chwiliwch Gynnwys y Cynllun Cyhoeddiadau

Cyflwyniad

Mae'r cynllun cyhoeddiadau yn ymrwymo Cyngor Sir Powys i sicrhau bod gwybodaeth ar gael i'r cyhoedd fel rhan o'i weithgareddau busnes arferol.  Os yw'r Awdurdod yn gyfrifol am ddal y wybodaeth, mae'r wybodaeth berthnasol yn cael ei chynnwys yn y dosbarthiadau gwybodaeth a nodir isod. Mae rhagor o wybodaeth ar gael am y dosbarthiadau gwybodaeth hyn isod, ac ar y dudalen gynnwys, lle gallwch chwilio ein cronfa ddata i ddod o hyd i'r wybodaeth sydd gennym.

Mae'r cynllun yn ymrwymo Cyngor Sir Powys:

• I gyhoeddi'n rhagweithiol yr holl wybodaeth, gan gynnwys gwybodaeth amgylcheddol, sydd gan yr awdurdod sydd o fewn un o'r dosbarthiadau isod, neu sicrhau bod y wybodaeth ar gael yn fater o drefn.

• I fanylu ar y wybodaeth wydd gan yr awdurdod sydd o fewn un o'r dosbarthiadau isod .

• I gyhoeddi'n rhagweithiol yr holl wybodaeth yn unol â'r datganiadau sydd yn y cynllun, neu sicrhau bod y wybodaeth ar gael yn fater o drefn.

• I gynhyrchu a chyhoeddi'r dulliau a ddefnyddir i ddatgelu'r wybodaeth benodol yn fater o drefn, fel bod modd i aelodau o'r cyhoedd ddod o hyd iddi a'i defnyddio'n rhwydd.

• I adolygu a diweddaru yn rheolaidd yr holl wybodaeth y mae'r awdurdod yn sicrhau ei bod ar gale dan y cynllun hwn. 

• I gynhyrchu rhestr o unrhyw ffioedd a godir am fynediad i wybodaeth sydd ar gael yn rhagweithiol.

• I sicrhau bod y cynllun cyhoeddi hwn ar gael i'r cyhoedd.

Dosbarthiadau Gwybodaeth

Pwy ydym ni a beth ydym yn ei wneud.
Gwybodaeth am y sefydliad, lleoliadau a chysylltiadau, cyfansoddiad a llywodraethu cyfreithiol.

Beth ydym yn ei wario a sut ydym yn ei wario
Gwybodaeth ariannol yn ymwneud ag incwm a gwariant rhagamcanol a gwir incwm a gwariant, tendro, caffael a chytundebau.   

Beth yw ein blaenoriaethau  a sut ydym ni'n perfformio.
Gwybodaeth am strategaethau a pherfformiad, cynlluniau, asesiadau, archwiliadau ac adolygiadau. 

Sut rydym yn gwneud penderfyniadau.
Cynigion a phenderfyniadau polisi.  Prosesau gwneud penderfyniadau, meini prawf a threfniadau mewnol, ymgynghoriadau. 

Ein polisiau a'n gweithdrefnau.
Protocolau ysgrifenedig cyfredol ar gyfer cyflwyno ein swyddogaethau a'n cyfrifoldebau. 

Rhestrau a chofrestrau.
Gwybodaeth mewn cofrestrau sy'n ofynnol yn ôl y gyfraith, a rhestrau a chofrestrau eraill yn ymwneud â swyddogaethau'r awdurdod. 

Y gwasanaethau rydym yn eu cynnig.
Cyngor a chyfarwyddyd, llyfrynnau a thaflenni,  trafodion a datganiadau i'r wasg.  Disgrifiad o'r gwasanaethau rydym yn eu cynnig.

Fel arfer, ni fydd y dosbarthiadau gwybodaeth yn cynnwys:

• Gwybodaeth y mae'r gyfraith yn rhwystro ei datgelu, neu sydd wedi'i heithrio dan y Ddeddf Rhyddid Gwybodaeth, neu sydd am reswm arall yn cael ei ystyried fel gwybodaeth a ddiogelir rhag cael ei datgelu. 

• Fersiynau drafft o'r wybodaeth.

• Gwybodaeth nad yw bellach ar gael yn hawdd, gan ei bod erbyn hyn mewn ffeiliau a archifwyd, neu wybodaeth sy'n anodd ei chyrraedd am resymau tebyg.

Y dull a ddefnyddir i sicrhau bod y wybodaeth a gyhoeddir dan y cynllun hwn ar gael

Bydd Cyngor Sir Powys yn dangos yn eglur i'r cyhoedd pa wybodaeth sy'n rhan o'r cynllun, a sut y gellir ei chyrraedd.

Lle bo modd, rydym wedi gosod gwybodaeth ar y wefan hon. Lle nad yw'n ymarferol sicrhau bod y wybodaeth ar gael ar y wefan hon, nodir y swyddfa neu'r maes gwasanaeth sy'n gofalu am y wybodaeth, ynghyd â'u manylion cysylltu. Gellir darllen y wybodaeth a restrir yn y cynllun hwn trwy gysylltu â'r maes gwasanaeth perthnasol neu drwy ymweld ag un o'n  swyddfeydd, a byddant yn gallu darparu'r wybodaeth i chi.

Mewn amgylchiadau eithriadol, mae'n bosibl na fydd y wybodaeth ar gael ond trwy ei gweld yn bersonol. Lle cynigir y dull yma, rhoddir y manylion cysylltu. Bydd apwyntiad i weld y wybodaeth yn cael ei drefnu o fewn amserlen resymol..

Bydd y wybodaeth yn cael ei darparu yn yr iaith y mae wedi ei chadw ynddi, neu mewn iaith arall y mae angen iddi ddefnyddio yn ôl y gyfraith. Lle bydd gofyn cyfreithlon i Gyngor Sir Powys gyfieithu unrhyw wybodaeth, bydd yn gwneud hynny.

Byddwn yn cadw at ein rhwymedigaethau dan ddeddfwriaeth anabledd a gwahaniaethu ac unrhyw ddeddfwriaeth arall i ddarparu gwybodaeth ar unrhyw ffurf neu mewn unrhyw fformat arall wrth ddarparu'r wybodaeth yn unol â'r cynllun yma.

Ffioedd y gellir eu codi am wybodaeth a gyhoeddir dan y cynllun cyhoeddi yma

Diben y cynllun hwn yw sicrhau bod cymaint â phosibl o wybodaeth ar gael yn rhwydd yn y modd mwyaf cyfleus ac ar gyn lleied o gost â phosibl i'r cyhoedd. Bydd Cyngor Sir Powys yn ddidwyll a bydd yn gallu cyfiawnhau y ffioedd sy'n cael eu codi am ddeunydd sy'n cael ei gyhoeddi yn fater o drefn. Bydd y wybodaeth ar gael am gost cyn ised â phosibl.

Mae'r deunydd sy'n cael ei gyhoeddi a'i weld ar y wefan yn cael ei ddarparu yn rhad ac am ddim.

Gellir codi am wybodaeth, gan ddibynnu ar drefn ffioedd y mae'r Senedd yn ei phennu.

Gellir codi tâl am y treuliau go iawn er enghraifft:

• llungopïau (gweler y ffioedd isod )

• postio a phecynnu (mae'r cyfraddau postio safonol yn berthnasol)

• y costau sy'n codi yn uniongyrchol yn sgil gweld yr wybodaeth

 

Gellir codi ffi hefyd am y wybodaeth ei hun dan y cynllun yma:

• os yw hynny wedi'i awdurdodi'n gyfreithlon,

• os gellir eu cyfiawnhau, ymhob amgylchiadau, gan gynnwys egwyddorion cyffredinol yr hawl i gyrraedd y wybodaeth sydd gan y gwasanaethau cyhoeddus, ac os ydynt yn unol â rhestr ffioedd sydd wedi'i chyhoeddi ac ar gael yn rhwydd i'r cyhoedd. Dangosir y rhestrau ffioedd yn y tudalennau cynnwys dan y pennawd "Ein Polisïau a'n Gweithdrefnau - trefn a pholisi Codi Tâl".

Os codir tâl, bydd cadarnhad o'r ffi dyledus cyn darparu'r wybodaeth. Gellir gofyn am y tâl cyn darparu'r wybodaeth.  

Ffioedd am lungopïo (fesul ochr):

A4 du a gwyn: 3c
A4 lliw: 10c

A3 du a gwyn: 6p
A3 lliw: 20c

Ceisiadau Ysgrifenedig

Gellir gofyn trwy lythyr am wybodaeth gan Gyngor Sir Powys nad yw wedi'i chyhoeddi dan y cynllun yma. Bydd y cais yn cael ei ystyried yn unol â darpariaethau'r Ddeddf Rhyddid Gwybodaeth.

Chwiliwch Gynnwys y Cynllun Cyhoeddiadau

Gallwch ddefnyddio'r dolenni hyni gael y wybodaeth ganlynol:

• Sut rydym yn gwneud penderfyniadau
• Rhestrau a Chofrestrau
• Ein Polisïau a'n Gweithdrefnau
• Gwasanaethau sy'n cael eu darparu gan y Cyngor
• Beth yw ein blaenoriaethau a sut rydym yn llwyddo
• Faint rydym yn ei wario a sut rydym yn ei wario
• Pwy ydym ni a beth rydym yn ei wneud

Neu, gallwch  chwilio'r cynnwys yn uniongyrchol.