A | B | C | D | E | F | Ff | G | H | I | L | Ll | M | N | O | P | R | Rh | S | T | W | Y

Coed Cymru

Beth yw Coed Cymru a beth mae'n ei wneud?

Menter Genedlaethol yw Coed Cymru sy'n cael ei chefnogi gan gyrff statudol, sefydliadau'r llywodraeth a chwmniau preifat ar draws Cymru.

Mae'n cynnig cymorth a chyngor am ddim ar reoli coetiroedd a'r defnydd cynaladwy o gynnyrch coedwigoedd. Mae'n cwmpasu'r cyfan - o dyfu coed newydd i gynnyrch pren caled Cymreig o ansawdd uchel.

Beth y mae Coed Cymru'n ei wneud ym Mhowys?

Mae Coed Cymru'n cynnig gwasanaeth rheng flaen ym Mhowys. Mae'n cyflogi tri swydd coedwigoedd sy'n gweithio'n uniongyrchol gyda'r cyhoedd, tirfeddianwyr a grwpiau cymunedol.

O fewn Cyngor Sir Powys, mae Swyddogion Coed Cymru'n cynnig cymorth technegol arbenigol ar gyfer swyddogaethau allweddol, yn cynnwys gwasanaeth ymgynghorol a chynllunio ar gyfer coedwigoedd llawn a rheoli coetiroedd, cyngor ar gaffael deunyddiau, ardystio coedwigoedd, adeiladu, rheoli gwastraff pren, ynni gwyrdd yn cynnwys defnyddio biodanwydd a deunydd adnewyddadwy, ymylon y ffordd fawr a rheoli mannau agored.

Mae Coed Cymru'n cyfrannu'n uniongyrchol at weithredu Cynlluniau Gweithredu Bioamrywiaeth Lleol, a Menter y Ddraig Werdd.

Mae swyddogion coedwigoedd yn cael eu cofrestru fel cynllunwyr asiant gyda Chomisiwn Coedwigaeth Cymru , safon proffesiynol newydd sy'n ofynnol gan Lywodraeth Cynulliad Cymru (WAG) ar gyfer pob cais i reoli coedwigoedd gyda chymorth grant. Enw cynllun grant coedwigoedd newydd y Comisiwn Coedwigaeth (2007) yw 'Gwell Coedwigoedd i Gymru' ac mae'n cynnig pecyn o grantiau i helpu tirfeddianwyr i reoli eu coedwigoedd a'u fforestydd.

Cynghori'r awdurdod lleol ar faterion amgylcheddol sy'n berthnasol i'w stad coedwigoedd eu hunain.

Coed Cymru yw un o'r partneriaid yn y Consortiwm Ymchwil Rheoli'r Perygl o Lifogydd, sy'n rhan o ymchwil hydrolegol ym Mhontbren Sir Drefaldwyn. Mae'r grwp yn edrych ar sut y mae'r defnydd o dir yn effeithio ar symudiad dwr trwy dalgylch gyfan, a sut y mae newidiadau mewn arferion coedwigaeth ac amaethyddiaeth yn effeithio ar hyn.

Cynnig cymorth technegol i gefnogi cynlluniau amaeth-amgylcheddol, yn cynnwys Tir Gofal a Thir Cynnal, gweithio gyda staff y Cynulliad i gyflawni a chynnal safonau amgylcheddol uchel.

Mae ganddo uned ymchwil a datblygu yn y swyddfeydd yn Nhregynon, yn ogystal â bod yn ganolfan i'r staff gweinyddol a'r cyfarwyddwr. Ymhlith y prosiectau presennol mae ymchwilio i drin pren â gwres, menter tai cynaladwy TyUnnos, cynhyrchu pelenni ynni pren, dodrefn a gwaith saer wedi'i lamineiddio, a lloriau graen pen. Mae pob prosiect yn cynnwys defnyddio pren o Gymru, a bron i gyd yn bren caled. Yn ddiweddar, gwelwyd y defnydd o'r byrwydden, ar gyfer elfen strwythurol y system ffram porthol TyUnnos.

Coed Cymru’s vision for sustainability

"Mae Coed Cymru wedi bod yn hyrwyddo dulliau rheoli coedwigoedd call a chynaladwy ers 21 mlynedd trwy Gymru gyfan, gan ganolbwyntio ar reoli coedwigoedd cynhenid sydd wedi'u hesgeuluso, a pharhau i ddatblygu'r sector prosesu pren caled.

Rydym yn ymdrechu i gynnig dealltwriaeth go iawn o bwysigrwydd cymdeithasol, masnachol ac amgylcheddol coedwigoedd i Gymru.

Ein nod yw atgyfodi diwylliant o reoli coedwigoedd yng Nghymru a fydd yn gwella a bytholi ein coedwigoedd. Os bydd y manteision yn fwy na'r costau, byddwn wedi cyrraedd ein nod."

Tarddiad a Chefndir

Mae Coed Cymru yn bartneriaeth o sefydliadau sy'n gweithio i reoli coedwigoedd dail llydan Cymru yn gynaladwy. Fe'i sefydlwyd yn 1985 a'i drosi'n gwmni cyfyngedig trwy warant ac elusen yn 1989.

Pam y cafodd ei ddatblygu?

Yn dilyn canrif o esgeulustod ac ysbeilio, roedd cyflwr y mwyafrif o goedwigoedd dail llydan Cymru mewn dirywiad difrifol, gydag 85% yn dangos dim tystiolaeth o goed ifanc.

Yn 1985, sefydlwyd Coed Cymru fel corff ymgyrchu, a'i rol oedd codi ymwybyddiaeth o goedwigoedd cynhenid, yn arbennig ymhlith y gymuned amaethyddol sy'n berchen ar y mwyafrif o'r coedwigoedd hyn yng Nghymru. Yn 1986, sefydlwyd rhwydwaith o gynghorwyr coediwgoedd, wedi'u lleoli yn swyddfeydd y Cyngor Sir a'r Parc Cenedlaethol.

Mae pencadlys Coed Cymru yn Nhregynon, Powys yn cynnig y cymorth cyfathrebu, technegol a gweinyddol sydd ei angen i sicrhau cydlyniad y sefydliad.

Beth y mae wedi'i gyflawni?

Mae 123,000 hectar o goedwigoedd dail llydan yng Nghymru, gyda 34,413 hectar wedi'i ddynodi'n Goedwig Hanner Naturiol Hynafol. Dyma'n cynefin daearol mwyaf amrywiol.

Cyflawnwyd dros 6,148 o brosiectau rheoli coedwigoedd a phlannu coed, sef ychydig dros 24,773 hectar sy'n cyfateb i 20% o gyfanswm coedwigoedd dail llydan Cymru.

Bellach mae dros 400 o fusnesau'n defnyddio pren caled Cymreig yn rheolaidd, yn cynnwys nifer sydd wedi trosi'n ddiweddar.