E.coli O157

• Beth ydy E.coli O157?
• Sut ges i’r clefyd?
• Pryd ges i’r clefyd?
• Beth yw arwyddion a symptomau’r glefyd?
• Sut alla i atal y clefyd rhag lledaenu?
• Lle alla i gael rhagor o gyngor?

Beth ydy E.coli O157?

Mae E.coli O157 yn ffurf o wenwyn bwyd sy’n cael ei achosi gan math ffyrnig iawn o facteria Escherichia coli, sydd fel arfer yn arwain at diarrhoea.

To top

Sut ges i’r clefyd?

• Trafod cig amrwd, yn enwedig cig eidion
• Bwyta cig neu dda pluog sydd heb eu coginio digon, neu unrhyw gynnyrch bwyd arall sydd wedi’i heintio
• Bwyta neu yfed llaeth neu gynhyrchion llaeth sydd heb eu trin.
• Nofio mewn neu yfed dwr sydd heb ei ei glorineiddio
• Cyswllt uniongyrchol ag anifeiliaid, yn enwedig ar ffermydd neu mewn gwarchodfeydd anifeiliaid
• Cysylltiad agos â rhywun arall sydd wedi’i heintio

To top

Pryd ges i’r clefyd?

Fel arfer, mae’r salwch yn ymddangos o fewn 3 – 8 diwrnod o gael eich heintio, ond rhwng 3 – 4 diwrnod sydd fwyaf cyffredin.

To top

Beth yw arwyddion a symptomau’r glefyd?

• Dolur rhydd gyda charthion gwaedlyd.
• Cur pen, cyfog a thaflu i fyny.
• Fel arfer, mae symptomau’n parhau am tua wythnos
• Mae’n bosibl y bydd E.coli O157 yn fwy difrifol i bobl ifanc neu oedrannus iawn neu bobl sy’n sâl yn barod. Fe all achosi cymhlethdodau eraill, er enghraifft methiant arennol.

To top

Sut alla i atal y clefyd rhag lledaenu?

• Golchi’ch dwylo’n dda ar ôl mynd i’r toiled, ar ôl newid cewynnau babanod a chyn paratoi prydau bwyd neu fwyta
• Dylai rhywun arall olchi dwylo plant ifanc sydd â’r haint, neu eu gwylio’n golchi eu dwylo eu hunain
• Golchi llestri’n dda rhwng pob defnydd ohonynt
• Ni ddylai pobl sydd wedi’u heintio fynd yn ôl i’r gwaith hyd nes y bydd y taflu i fyny a’r dolur rhydd wedi dod i ben
• Os ydy’r un sydd wedi’i heintio yn gweithio â bwyd, yn gweithio fel gofalwr iechyd/nyrs neu’n blentyn sy’n mynychu ysgol neu feithrinfa ayb, dylech ofyn am ragor o gyngor.
• Darllenwch y daflen sy’n cyd-fynd â hwn am gyngor pellach.

To top

Lle alla i gael rhagor o gyngor?

• Bydd eich Meddyg Teulu neu’ch arbenigwr iechyd yn gallu rhoi cyngor i chi ar ofal iechyd i glaf unigol.
• Dylech ddweud wrth eich gweithle, neu bennaeth ysgol plentyn, er mwyn darganfod os bydd angen i chi gael eich gwahardd, a phryd y gallwch fynd yn ôl.
• Bydd y swyddog ymchwilio yn gallu darparu taflen mwy cyffredinol i chi ar reoli heintiau. Os oes angen rhagor o wybodaeth arnoch, gallwch gysylltu â hwy ar y rhif isod.     

       Cyngor Sir Powys
       Adran Iechyd yr Amgylchedd
       Neuadd Maldwyn
       Ffordd Hafren
       Y Trallwng
       Powys
       SY21 7AS

       Rhif ffôn: 0845 6027037

To top