A |  B |  C |  D |  E |  F |  Ff |  G |  H |  I |  L |  Ll |  M |  N |  O |  P |  R |  Rh |  S |  T |  W |  Y

Hawliau Tramwy Cyhoeddus

Beth yw Hawliau Tramwy Cyhoeddus?

Mae Hawliau Tramwy Cyhoeddus yn briffyrdd nad ydynt yn ffyrdd cyhoeddus at bob pwrpas.    Mae gan Bowys dros 12,000 o hawliau tramwy cyhoeddus unigol, gyda nifer ohonynt yn cael eu defnyddio'n bennaf ar gyfer hamdden - yn arbennig cerdded, seiclo, marchogaeth a gyrru cerbydau modur "oddi ar y ffordd".   Defnyddir mwyafrif y rhwydwaith yn achlysurol gan bobl leol ac ymwelwyr.

Ceir pedwar prif fath o hawliau tramwy cyhoeddus:-

symbol llwybr troed
Llwybr troed

I'w defnyddio ar droed yn unig, ond gellir defnyddio cadair wthio hefyd.  Gallwch fynd â chi, ond rhaid ei gadw o dan 'reolaeth agos'.

Noder - Ni ddylid cymysgu llwybr troed â 'throedffyrdd' neu 'balmentydd' fel y'u gelwir, sydd fel arfer ag arwynebedd dan sêl yn rhedeg ochr yn ochr â'r ffyrdd (neu'r ffordd gerbydau).  Os ydych am godi mater ynglyn â 'throedffordd', cysylltwch ag Adran Briffyrdd Cyngor Sir Powys

symbol llwybr ceffyl
Llwybr Ceffyl

Yr un fath â llwybr troed, gyda hawliau ychwanegol i arwain neu farchogaeth ceffyl, a gwthio neu fynd ar gefn beic pedlo.  Mae'n bosibl y bydd hawliau ar gyfer symud stoc, megis defaid a gwartheg.

symbol cilffordd gyfyngedig
Cilffordd Gyfyngedig

Categori newydd o hawl tramwy, a elwyd cyn hyn yn Ffordd a Ddefnyddir fel Llwybr Cyhoeddus.  Ceir yr un hawliau ag ar gyfer llwybrau ceffyl, gyda hawl ychwanegol i ddefnyddio cartiau a cherbydau a dynnir gan geffylau, ond nid cerbydau modur.

Symbol Cilffordd ar agor i bob trafnidiaeth
Cilffordd ar agor i bob trafnidiaeth

Yr un fath â llwybrau ceffyl, ond gyda hawliau ychwanegol i yrru cerbydau modur, a chartiau a cherbydau a dynnir gan geffylau.

Beth am hawliau preifat?

Nid oes gan y Cyngor Sir gofnodion o hawliau mynediad preifat neu "hawddfreintiau".  Os oes gennych unrhyw gwestiynau am hawliau preifat, yna lle'n berthnasol, dylech archwilio gweithredoedd eich eiddo a cheisio cyngor cyfreithiol.

Sut mae gwybod lle mae Hawliau Tramwy Cyhoeddus?

Am wybodaeth gyffredinol ar hawliau tramwy cyhoeddus, gallwch edrych ar fapiau "Explorer" yr Arolwg Ordnans.  Serch hynny nid ydynt yn dangos y llinell cyfreithiol diffiniol na statws y llwybrau.  Os ydych am gael gwybodaeth gywir ar union linell a statws y llwybr, yna dylech daro golwg ar y Map Diffiniol.

To top

Cyswllt Gwasanaeth

Mynediad i Gefn Gwlad

Cyfeiriad E-bost: rightsofway@powys.gov.uk

Teleffon: 01597 827500

Cyfeiriad:
Mynediad i Gefn Gwlad
Y Gwalia
Ffordd Ieithon
Llandrindod
Powys
LD1 6AA

Ceisiadau i Gau

RSS