Diogelwch Cymunedol

Partneriaeth Diogelwch Cymunedol

Gwefan:  csp.powys.org.uk

Mae gan Bowys un o'r cyfraddau trosedd isaf yng Nghymru a Lloegr; ac mae Partneriaeth Diogelwch Cymunedol Powys yn gweithio'n ddiwyd i gadw Powys yn ddiogel trwy fynd i'r afael â throsedd, anrhefn, ymddygiad gwrthgymdeithasol a chamddefnyddio sylweddau.

Cynghrair o asiantaethau yw'r Bartneriaeth Diogelwch Cymunedol, sy'n gyfrifol dan Ddeddf Trosedd ac Anrhefn 1998, ac yn cynnwys Heddlu Dyfed Powys, Cyngor Sir Powys, Gwasanaeth Tân ac Achub Canolbarth a Gorllewin Cymru, Bwrdd Iechyd addysgu Powys, ac Ymddiriedolaeth Prawf Cymru, sydd ochr yn ochr â phartneriaid eraill yn gweithio gyda'i gilydd i wella ansawdd bywyd y sawl sy'n byw a gweithio ym Mhowys a'r sawl sy'n ymweld â'r sir.

Os hoffech ragor o wybodaeth neu os ydych am gysylltu â'r Bartneriaeth Diogelwch Cymunedol, ewch i'w gwefan csp.powys.org.uk neu ffoniwch Louisa Kerr, Rheolwr Diogelwch Cymunedol Powys.