A |  B |  C |  D |  E |  F |  Ff |  G |  H |  I |  L |  Ll |  M |  N |  O |  P |  R |  Rh |  S |  T |  W |  Y

Dweud Unwaith

Gallwn eich helpu dweud wrth y bobl sydd angen gwybod

Sampl o ddarlun blodau

Pan fydd rhywun wedi marw, mae llawer o bethau sydd angen eu gwneud, ar adeg pan fyddwch leiaf awydd eu gwneud. Un o'r pethau hyn yw cysylltu ag adrannau'r llywodraeth a gwasanaethau'r cyngor lleol sydd angen cael gwybod.

Mae Cyngor Sir Powys yn cynnig gwasanaeth a fydd, gobeithio, yn gwneud y pethau hyn yn haws. Mae'r gwasanaeth newydd hwn yn golygu y gallwch ddweud unwaith wrthym a byddwn yn cysylltu â'r cyrff hynny.

Sut y gall y gwasanaeth eich helpu chi

Pan fydd rhywun yn marw, bydd angen cofrestru eu marwolaeth gyda'r Cofrestrydd. Unwaith y bydd hyn wedi'i wneud, efallai y bydd angen cysylltu â sawl corff arall a rhoi'r un wybodaeth iddynt.

Gallwn eich helpu i roi'r wybodaeth i'r Adran Gwaith a Phensiynau a gallant drosglwyddo'r wybodaeth hon i nifer o adrannau eraill y llywodraeth a gwasanaethau'r cyngor lleol ar eich rhan.

Sut y gallwch gysylltu â ni i ddefnyddio'r gwasanaeth

Mae ffyrdd gwahanol y gallwch ddefnyddio'r gwasanaeth:

Yn bersonol

– Os hoffech ddod draw a defnyddio'r gwasanaeth, ffoniwch 0845 602 7038 neu 01597 827468 i wneud apwyntiad. Bydd angen i chi gofrestru'r farwolaeth cyn i chi ein gweld. Os mae'n helpu, gallwch fel arfer wneud apwyntiad i weld y Cofrestrydd a defnyddio'r gwasanaeth ar yr un ymweliad.

Dros y ffôn

– Efallai y byddai'n well gennych siarad â rhywun dros y ffôn. Gallwch ffonio'r Adran Gwaith a Phensiynau. Ffoniwch 0845 602 7038 neu 01597 827468 am ragor o wybodaeth.

Beth sy'n digwydd i'r wybodaeth?

Os byddwch yn penderfynu defnyddio'r gwasanaeth hwn, byddwn yn gallu dweud wrth y cyrff canlynol:

• Adran Gwaith a Phensiynau

Gwasanaeth Pensiynau, Anableddau a Chynhalwyr

Canolfan Byd Gwaith

Tîm Iechyd Tramor

• Y Weinyddiaeth Amddiffyn, Staff Gwasanaeth ac Asiantaeth Cyn-filwyr

Cynllun Pensiynau Rhyfel

• Cyllid a Thollau Ei Mawrhydi

Budd-dal Plant

Credyd Treth Plant a Chredyd Treth Gwaith

Trethi Personol

• Gwasanaeth Hunaniaeth a Phasbortau

• Cynghorau Lleol

    Swyddfa Budd-dal Tai

    Swyddfa Budd-dal Treth y Cyngor

     

    Gallwn ddweud y cyrff canlynol os ydych yn gofyn i ni wneud hynny:

    • Cynghorau Lleol

    Tai Cyngor

    Treth y Cyngor

    Llyfrgelloedd

    Bathodynnau Glas

    Gwasanaethau Oedolion

    Gwasanaethau Plant

    Casglu taliadau am wasanaethau cyngor

    Gwasanaethau Etholiadol

    • Asiantaeth Trwyddedu Gyrwyr a Cherbydau (DVLA)

    Sut fyddwn yn trin y wybodaeth a roddwyd gennych i ni

    Bydd y wybodaeth a roddwch yn cael ei thrin yn ddiogel ac yn gyfrinachol.

    Bydd y cyrff a gysylltir â hwy yn defnyddio'r wybodaeth i ddiweddaru cofnodion; i roi diwedd ar wasanaethau, budd-daliadau a chredydau fel sy'n briodol; ac i ddatrys unrhyw faterion sy'n weddill. Efallai y byddant yn defnyddio'r wybodaeth hon mewn ffyrdd eraill, ond dim ond fel y bydd y gyfraith yn caniatau.

    Gwybodaeth y bydd ei hangen arnoch i ddefnyddio'r gwasanaeth

    I wneud yn siwr fod y wybodaeth gywir yn cael ei chyflwyno i unrhyw gorff y byddwn yn cysylltu â hwy ar eich rhan ac fel y gallwch gael y budd mwyaf o'r gwasanaeth, fe fyddai'n ddefnyddiol petaech yn gallu dod â'r wybodaeth ganlynol am yr unigolyn sydd wedi marw gyda chi:

    • Eu Rhif Yswiriant Cenedlaethol a dyddiad geni
    • Manylion unrhyw fudd-daliadau neu wasanaethau yr oeddynt yn eu derbyn
    • Eu tystysgrif marwolaeth
    • Eu Trwydded Yrru neu rif eu Trwydded Yrru
    • Eu Pasbort neu rif Pasbort a thref/sir eu genedigaeth

    Efallai y byddwn hefyd yn gofyn am fanylion cyswllt oddi wrthych ar gyfer:

    • Eu perthynas agosaf
    • Gwr, gwraig neu bartner sifil sydd dal yn fyw
    • Yr unigolyn sy'n delio gyda'u hystad

    Rhaid i chi gael caniatâd yr unigolion a restrir uchod os ydych am ddarparu'r wybodaeth amdanynt i ni.

    Perthynas Agosaf

     

    Os mai chi yw'r perthynas agosaf (perthynas agosaf trwy waed neu briodas i'r sawl sydd wedi marw), gall eich hawl i dderbyn budd-daliadau newid, felly gwnewch yn siwr fod gennych eich Rhif Yswiriant Cenedlaethol a/neu eich dyddiad geni eich hunan gyda chi pan fyddwch yn cysylltu â ni.

    Os nad chi yw'r perthynas agosaf, neu'r unigolyn sy'n delio gydag ystad yr ymadawedig (sef yr unigolyn sy'n trin eu heiddo a'u harian), gallwch barhau i ddefnyddio'r gwasanaeth os oes gennych eu caniatâd i ddarparu eu manylion a gweithredu ar eu rhan.

    Preifatrwydd

    Mae'r gwasanaeth yn ymroddedig i sicrhau fod eich gwybodaeth yn cael ei diogelu. Mae ein Datganiad Preifatrwydd yn dweud wrthych chi sut y byddwn yn defnyddio a diogelu'r wybodaeth a ddarparwch i ni pan fyddwch yn defnyddio'r gwasanaeth hwn. Gofynnwch i'r Cynghorydd os ydych yn dymuno gweld y datganiad preifatrwydd llawn.

    Cofiwch mai eich cyfrifoldeb chi yw sicrhau fod pob corff, sy'n talu budd-dal/credyd i chi neu sy'n darparu gwasanaeth ar eich cyfer, yn cael y wybodaeth gywir a diweddaraf amdanoch.

     

    RSS