Chwarae ym Mhowys

"Mae gan blant yr hawl i ymlacio a chwarae, ac i ymuno mewn ystod eang o weithgareddau diwylliannol, artistig a hamdden eraill."

(Confensiwn y Cenhedloedd Unedig ar Hawliau'r Plentyn, Erthygl 31)

 

 


Cynllun Cefnogi Chwarae Powys.

Mae'r cynllun yn agored i blant rhwng 0 a 14 mlwydd oed (16 mlwydd oed os oes gan y plentyn anghenion ychwanegol) i roi cyfraniad ariannol tuag at gost gofal plant mewn grwpiau chwarae, meithrinfeydd dydd, clybiau gwyliau, Clybiau ar ôl ysgol a grwpiau plant bach.

Nod y nawdd yma yw cynnig y cyfle i blant, a fyddai fel arall yn cael eu heithrio, i gymryd rhan mewn dau sesiwn yr wythnos fel y gallant ddatblygu sgiliau a chymdeithasu gyda'u cyfoedion. Bydd y cynllun yn caniatau amser i riant neu ofalwr ofyn am gyngor ar ddychwelyd i'r gwaith neu ddod i wybod am gyfleoedd hyfforddi yn yr ardal.

Ffurflen Gais 

 

Mannau i Chwarae

Bydd plant yn chwarae unrhyw le ar unrhyw amser o gael y cyfle. Fel rhieni/gofalwyr, y sawl sy'n gweithio gyda phlant, pobl ifanc a'u teuluoedd ac yn byw neu weithio mewn cymunedau, mae gennym gyfrifoldeb i greu'r amodau cywir er mwyn i blant gael mynediad at gyfleoedd i chwarae.

G allwch chwilio am fannau i chwarae ym Mhowys, gan gynnwys mannau gwyrdd agored a mannau chwarae dynodedig yn yr awyr agored.

Gellir dod o hyd i ragor o wybodaeth am Chwarae yn y Gymuned ar wefannau a thudalennau Facebook Gwasanaethau Chwarae Cymunedol:

Chwarae - Sir Drefaldwyn

Chwarae - Sir Faesyfed

 

Llyfrgell Adnoddau Chwarae

Mae llyfrgelloedd adnoddau chwarae yn cynnig gwasanaethau i deuluoedd,  prosiectau chwarae a darparwyr gofal plant lleol. Gallant gynnig ystod eang o deganau ar fenthyciad, ynghyd â chyflwyno sesiynau chwarae i blant a rhieni, gwybodaeth a chyngor am deganau a chwarae a man cyfarfod cyfeillgar i rieni a gofalwyr.

Gall cael mynediad at lyfrgell adnoddau chwarae helpu plant trwy roi mynediad at amrywiaeth cyfoethog o deganau ac adnoddau chwarae o ansawdd uchel, gan gynnig teganau sy'n addas i alluoedd plant sydd ag anghenion ychwanegol a galluogi plant i ddatblygu sgiliau hanfodol trwy ddysgu trwy chwarae.

Gogledd Powys – Mae Chwarae - Sir Drefaldwyn yn cynnig gwasanaeth sefydlog a theithiol. Maent hefyd yn cynnal sesiynau aros a chwarae.

Am ragor o wybodaeth, cysylltwch â; Chwarae - Sir Drefaldwyn, Plas Dolerw, Ffordd Milford, Y Drenewydd, SY16 2EH.  Ffôn; 01686 626713  E-bost; admin@playmontgomeryshire.co.uk

Canol Powys – Mae Chwarae - Sir Faesyfed yn cynnig gwasanaeth sefydlog a theithiol. Maent hefyd yn cynnig sesiynau chwarae wythnosol ac ystafell amlsynhwyraidd.  Maent ar agor pob diwrnod - Dydd Llun - Dydd Gwener 9.00am-12.30pm & 1.30pm-5.30pm. Edrychwch ar eu gwefan am ragor o wybodaeth - Chwarae Sir Faesyfed

Am ragor o wybodaeth, cysylltwch â; Chwarae - Sir Faesyfed, The Beaufort, Stryd y Deml, Llandrindod, LD1 5HG.  Ffôn: 01597 827920 E-bost; admin@playradnor.org.uk

De Powys - Mae Rhwydwaith Chwarae Sir Frycheiniog yn cynnig llyfrgell adnoddau sefydlog yn unig. Am fanylion cyswllt, ffoniwch  01874 612222 

 

Read our Play Sufficiency Assessment

Clirio

Cyswllt

  • Cyfeiriad:
    Gwasanaeth Gwybodaeth i Deuluoedd
    Neuadd y Sir
    Spa Road East
    Llandrindod
    Powys
    LD1 5LG
Prisiau galw